अस्ताए बरिष्ठ गीतकार भैरबनाथ रिमाल

Best Khabar Team | २०७७ पुष २५ गते शनिबार

२१ जनवरी, २०२१
काठमाडौं । बरिष्ठ गीतकार भैरबनाथ रिमालको आज निधन भएको छ । नेपाली सांगीतिक आकाशमा दर्जनौं अजर र अमर गीतको सिर्जना गरेका रिमालको ८६ वर्षको उमेरमा आज बिहान आफ्नै निवासमा निधन भएको उनको पारिवारले बताएको छ । उनमा अल्जाइमर्स (सम्झने क्षमतामा कमी आउने एक प्रकारको रोग) सम्बन्धी समस्या थियो ।

गएको दशैंलगत्तै स्वास्थ्यमा थप समस्या देखिएपछि उनको परिवारले उनलाई काठमाडौंको बसुन्धरामा रहेको चिरायु अस्पतालमा राखेर उपचार गराएको थियो । तर अस्पतालबाट डिस्चार्ज गरेको केही दिनपछि नै उनको आज काठमाडौंको ठमेलस्थित आफ्नै घरमा निधन भएको हो । पछिल्लो पटक उनमा निमोनिया, मृगौलासमस्धी समस्या समेत देखिएको बताइएको छ । कदमका ५ सय भन्दा गीतहरु सिर्जना गरेका थिए ।

उनको शब्द भरेको गीतमा स्वर सम्राट नारायणगोपालदेखि अहिलेका पुस्ताका नयाँ गायकहरुले समेत स्वर दिएका छन् । उनको आजै पशुपति आर्यघाटमा अन्तेष्टि गरिने परिवारले जनाएको छ । कदमका ‘जुन फूल मैले चाहेको थिएँ’लगायतका दर्जनौं गीतहरु कालजयी गीतको रुपमा नेपाली सांगीतिक आकाशमा चर्चित छ । उनी सन् १०९३ मा काठमाडौंको ठमेलमा जन्मेका थिए ।