Best Khabar Team | २०७६ माघ २३ गते बिहिबार

---

०२ जुन, २०२०
कुस्मा । पर्वत जिल्लामा मंगलबार ५ जनामा कोरोना संक्रमण पुष्टि भएको छ । गण्डकी प्रदेश अन्तरगतको सामाजिक विकास मन्त्रालयले दिएको जानकारी अनुसार पर्वत जिल्लाको फलेबास नगरपालिकाका २० र ४७ वर्षका दुईजना पुरुषमा कोरोना संक्रमण देखिएको छ ।

यस्तै जिल्लाकै महाशिला गाउँपालिका घर भएका १९, २० र २१ वर्षका ३ जना पुरुषमा कोरोना संक्रमण देखिएको छ । उनीहरु भारतबाट नेपाल फर्केर हाल जिल्ला सदरमुकाम कुस्माको क्वारेन्टाइनमा बसिरहेका व्यक्तिहरु हुन् । कोरोना संक्रमण पुष्टि भएपछि उनीहरुलाई हाल बाग्लुङ्स्थित धवलागिरी अञ्चल अस्पतालको आइसोलेसनमा पठाइएको बताइएको छ ।

यस्तै स्याङ्जाको चापाकोट नगरपालिकामा क्वारेन्टाइनमा रहेका २२, २६, ३२ र ४० वर्षका गरी ४ जनामा कोरोना देखिएको छ । स्याङ्गजा विरुवाका २० वर्षको एक पुरुषमा पनि कोरोना देखिएको छ । योसँगै स्याङ्जामा हालसम्म कोरोना संक्रमितको संख्या पाँच पुगेको छ । यस्तै गण्डकी प्रदेशभर कुल ३७ जनामा कोरोना संक्रमण पुष्टि भएको मन्त्रालय अन्र्तगतको स्वास्थ्य निर्देशनालयले जारी गरेको विज्ञप्तिमा उल्लेख छ ।

---

Comment from facebook