Best Khabar Team | २०७७ बैशाख ६ गते शनिबार

---

– पि.एल. तरंग/ विश्वव्यापी रुपमा महामारीको रुपमा फैलिएको कोरोना भाइरसको प्रकोपले विश्वका शर्व शक्तिमान सम्पन्न मुलुकदेखि आर्थिकरुपमा विपन्न राष्ट्रहरुसमेत यतिबेला चपेटामा परिरहेका छन् । विश्वको शक्तिशाली मुलुक अमेरिकामा कोरोनाका कारण यो आलेख तयार गर्दासम्म झण्डै ३८ हजार मानिसको ज्यान गै सकेको छ ।

अमेरिका जत्तिकै आर्थिक हैसियत भएका र हुने क्रममा रहेका झण्डै एकदर्जन राष्ट्रहरुमा पनि हजारौं मानिसको ज्यान कोरोना संक्रमण (कोभिड १९) कै कारण गै सकेको छ । ती देशहरुमा यतिबेला लाखौं आम नागरिकहरु कोरोनाबाट ग्रस्त भै अस्पतालको आइसोलेसनमा उपचारमा छन् । अझ भनौं विश्वका प्राय सबै देशमा कोरोनाको प्रकोप देखिएको छ । जसले जनधनको क्षति पु-याएको छ । तर नेपालजस्तो विकास र अन्य सेवा सुविधाको दृष्टिले निक्कै पछि रहेको देशमा पनि कोरोना संक्रमण फैलन थालेपनि सबैमा एक किसिमको डर र त्रास फैलन थालेको छ ।

नेपालमा आजसम्म कोरोनाका ३१ जना विरामी देखिएका छन् । आशालाग्दो विषय के भने उपचारमा रहेका २८ जनाकै अवस्था अहिलेसम्म खतरामुक्त रहेको छ । विश्वमा कोरोनाकै महामारीका बीच शनिबार नेपालमा भने दुईवटा सुखद् समाचार आए । त्यो थियो कोरोना संक्रमणमा परी अस्पतालको आइसोलेसनमा उपचाररत दुईजना स्वास्थ्य लाभ गरी घर फर्किएको । अन्य देशको तुलनामा नेपालमा कोरोना संक्रमितको संख्या कम भएपनि निको भएर घर फर्केका शुक्रबारसम्म १ जना मात्रै थिए । ती पनि गत माघमा चीनबाट आएका युवक थिए ।

तर शनिबार काठमाडौंमा १९ वर्षकी युवती र बाग्लुङ्गमा ६५ वर्षकी बृद्दले कोरोनामाथि विजयी हासिल गर्दै घर फर्केपछि यसले सबैमा खुसीको सञ्चार गराई दिएको छ । यतिमात्र होइन कोरोना लागेमा ज्यानै जान्छ भन्ने भ्रमलाई पनि यो घटनाले चिरिदिएको छ । दुईजना नारीले सहजै कोरोनालाई जितिदिँदा यसले समाजमा सकारात्मक सन्देश प्रवाह गरेको छ, त्यो हो कोरोना लाग्दैमा ज्यानै जाँदो रहेनछ ।

गत चैत्र ४ गते युरोपेली मुलुक बेल्जियमबाट काठमाडौं आएकी बाग्लुङकी ६५ वर्षकी बृद्द महिलामा कोरोना भन्दा अरु धेरै दीर्घरोग थियो । सुगर, प्रेसरजस्ता रोगले सताएपछि उनले धेरै वर्षअघिदेखि नियमति औषधी समेत गर्दै आइरहेकी थिइन् । अन्र्तराष्ट्रिय अभ्यास र अनुभवका अनुसार दीर्गरोगीहरुर्ला कोरोनाले आक्रमण गरेपछि निको हुन निक्कै कठिन हुन्छ । त्यसपछि उमेरले ६० काटेकाहरुमा समस्या जटिल बन्ने गरेको अन्य देशको तथ्यांकले पनि देखाएको छ । तर ती महिलामा पछिल्लो २४ घण्टामा गरिएका दुईवटा परीक्षण नेगेटिभ आएपछि उनलाई अस्पताले आज साँझ धवलागिरी अस्पतालबाट डिस्चार्ज गरिदिएको हो ।

यी दुबै केसका नारी पात्रले देखाएको आत्मविश्वास र चिकित्सकको उचित केयरका कारण उनीहरुले कोरोलाई परास्त गरेको कुरामा दुईमत छैन् । यी दुई घटनाले महिलाहरुको आत्मविश्वास कमजोर हुन्छ भन्ने अर्को सामाजिक भ्रमलाई पनि चिरिदिएको छ । त्यसैले कोरोना लागेमा आत्तिईहाल्नु हुँदैन । बेलैमा सावधानी अपनाएर आफू र आफ्नो परिवारको स्वास्थ्यमा सचेत बनेमा कोरोनालाई परास्त गर्न सकिन्छ भन्ने उदाहरण आजको यी दुई नारी पात्र हुन् ।

उनीसँगै एउटै विमानमा आएकी उनकी नातिनीमा कोरोना देखिएपछि गएको चैत्र २० गते गनलाई अस्पतालमा राखेर परीक्षण गरिएकोमा उनमा कोरोना संक्रमण पुष्टि भएको थियो । उनले करिब १७ दिनमा कोरोनालाई परास्त गर्दै सबैमा एउटा विश्वासको अवस्था सिर्जना गरिदिएकी छन् । तर अचम्म के भने उनी भन्दा पहिलो कोरोनाको संक्रमणका कारण सोही अस्पतालको आइसोलेसनमा उपचाररत १९ वर्षकी उनकी नातिनीको पछिल्लो रिपोर्टपनि पोजेटिभ आएको छ ।

६५ वर्षकी ती बृद्दा भन्छिन, –‘विश्वलाई हल्लाईरहेको कोरोनालाई जित्न सफल भएँ । म विभिन्न रोगसँग लड्दै औषधी खाँदै आएको थिएँ । तर ममा आत्मविश्वासमा कुनै कमि थिएन । त्यसैले मैले कोरोनालाई परास्त गरेँ । रोग लाग्दैमा ज्यान जाँदैन । आत्मविश्वास नै सबैभन्दा बलियो कुरा हो ।” उनले आफ्नो उपचारमा संलग्न सबैलाई विशेष धन्यावाद दिएकी छन् ।

बाग्लुङ्गमा ६५ वर्षकी बृद्दाले कोरोना जितेर अस्पतालको बेडबाट डिस्चार्ज भै रहँदा यसको करिब ८ घण्टा अघि फ्रान्सबाट नेपाल आएकी काठमाडौं मैतिदेवीकी १९ वर्षकी एक युवतीले पनि कोरोनालाई जितेर घर फर्केकी थिइन् । विद्यार्थी भिषामा फ्रान्स पुगेकी ती युवती कतार एयरको विमानबाट चैत्र ४ गते काठमाडौं ओर्लेकी थिइन् । भियतनामकी सँगै पढ्ने साथीले भियतनामबाट आफूलाई कोरोना भएको र उनलाई पनि चेक गर्न भनेपछि युवतीले टेकु अस्पतालमा परिक्षण गराएकी थिइन् ।

परीक्षणका क्रममा उनमा कोरोनाको संक्रमण भेटिएपछि उनी पनि २७ दिनदेखि अस्पतालको आइसोलेसनमा उपचाररत थिइन् । तर पछिल्लो २४ घण्टामा उनमा गरिएको परिक्षणमा उनको रिपोर्ट नेगेटिभ आएपछि उनलाई पनि आज बिहान अस्पतालले डिस्चार्ज गरिदिएको थियो । डिस्चार्ज गर्नुअघि अस्पतालले गरेको पत्रकार सम्मेलनमा उनले बलियो आत्मविश्वासले नै कोरोनालाई जित्न सफल भएको भन्दै सबैलाई कोरोनासँग नडराउन र सजग हुन आग्रह गरेकी थिइन् । यी युवती नेपालमा दोश्रो कोरोना संक्रमित थिइन् ।

यी दुबै केसका नारी पात्रले देखाएको आत्मविश्वास र चिकित्सकको उचित केयरका कारण उनीहरुले कोरोलाई परास्त गरेको कुरामा दुईमत छैन् । यी दुई घटनाले महिलाहरुको आत्मविश्वास कमजोर हुन्छ भन्ने अर्को सामाजिक भ्रमलाई पनि चिरिदिएको छ । त्यसैले कोरोना लागेमा आत्तिईहाल्नु हुँदैन । बेलैमा सावधानी अपनाएर आफू र आफ्नो परिवारको स्वास्थ्यमा सचेत बनेमा कोरोनालाई परास्त गर्न सकिन्छ भन्ने उदाहरण आजको यी दुई नारी पात्र हुन् ।

---

Comment from facebook