इजरायल आक्रमणमा मारिएका ४ नेपालीको शव काठमाडौं आइपुग्यो : आजै परिवारलाई बुझाइने

Best Khabar Team | २०८० कार्तिक ५ गते आइतबार

२२ अक्टोबर, २०२३
काठमाडौं । गत अक्टोबर ७ मा इजरायलमा भएको आतंककारी आक्रमणबाट मारिएका १० नेपालीमध्ये ४ जनाको शव आज काठमाडौं आइपुगेको छ । परराष्ट्रमन्त्रालयको पहल र इजरायलस्थित नेपाली दुतावासको समन्वयमा इजरायल सरकार पठाएको सो शव आज बिहान काठमाडौं आइपुगेको हो ।

दार्चुलाका लोकेन्द्रसिंह धामी र दीपेशराज विष्ट तथा कैलालीका नारायणप्रसाद न्यौपानेको शव बिहानै काठमाडौं आइपुगिसकेको छ । यस्तै कैलालीकै आशीष चौधरीको शव भने केहीबेरअघि मात्रै काठमाडौं आइपुगेको छ । सबै शवको पोष्टमार्टम गरिसकेपछि आजै शवलाई नेपाली सेनाको हेलिकोप्टरबाट धनगढी लगिने बताइएको छ । धनगढीमा पुगेपछि ती शवहरु सम्बन्धित परिवारलाई बुझाइने परराष्ट «मन्त्रालयले जानकारी दिएको छ ।

हमास समूहको आक्रमणमा परी ज्यान गुमाएका १० जना नेपाली मध्ये बाँकी ६ जनाको शव पनि प्रक्रिया पुरा गरी छिट्टै नेपाल ल्याईने र यसका लागि इजरायल सरकारसँग कुराकानी भै रहेको परराष्ट्रमन्त्री एनपी साउदले जानकारी दिए ।

Comment from facebook