अमेरिकी राष्ट्रपतिलाई महाअभियोग लगाउने प्रस्ताव तल्लो सदनद्वारा पारित, माथिल्लो सदनको निर्णय कुरिँदै

Best Khabar Team | २०७६ पुष ३ गते बिहिबार

१९ डिसेम्बर, २०१९
वासिङ्टन डिसी । अमेरिकी राष्ट्रपति डोनाल्ड ट्रम्पमाथि महाअभियोग लगाउने प्रस्तावलाई अमेरिकाको तल्लो सदनले पारित गरेको हो । हाउस अफ रिप्रिजेन्टिभ अर्थात् तल्लो सदनले पारित गरेको प्रस्तावलाई अब माथिल्लो सदनमा निर्णयार्थ पेश गरिने छ । ट्रम्पमाथि महाअभियोग लगाउने यो प्रस्तावलार्ई माथिल्लो सदनले समेत पारित गरेको खण्डमा ट्रम्पमाथि महाअभियोग लाग्नेछ ।

ट्रम्पमाथि महाअभियोग लगाउने वा नलगाउने भन्ने विषयको निर्णय अब माथिल्लो सदन अर्थात् सिनेटको निर्णयमा भर पर्ने भएको छ । उनीमाथि राष्ट्रपतिको अधिकार दुरुपयोग गरेर विभिन्न गलत काम गरेको आरोप लाग्दै आएको छ । यद्यपि माथिल्लो सदन अर्थात् सिनेटमा भने ट्रम पक्षधरहरुको बाहुल्यता रहेकोले तत्काल यो प्रस्ताव पारित हुनेमा आशंका उत्पन्न भएको अन्र्तराष्ट्रिय सञ्चारमाध्यमहरुले उल्लेख गरेका छन् ।

यदि ट्रम्पमाथि महाअभियोग लगाईए उनी महाअभियोग लाग्ने अमेरिकाको तेश्रो राष्ट्रपति हुनेछन् । ट्रम्पले भने आफूमाथि नियोजित रुपमा महाअभियोग लगाउन खोजिएको प्रतिक्रिया दिएका छन् ।

Comment from facebook