प्रदेशनम्बर १ का मुख्यमन्त्री विरुद्ध ‘यौन दुव्यवहार र घरेलु हिंसा’ मुद्दा दायर

Best Khabar Team | २०७६ फाल्गुन १६ गते शुक्रबार

२८ फेब्रुअरी, २०२काठमाडौं । दोलखा घर भएकी बालिका खड्का नाम गरेकी एक महिलाले पूर्व सञ्चारमन्त्री एवं प्रदेशनम्बर एकका मुख्यमन्त्री शेरधन राईविरुद्ध आज काठमाडौं जिल्ला अदालतमा मुद्दा दायर गरेकी छन् । उनले राईलाई आफ्नो श्रीमान् भएको भन्दै उनले अंश समेत भराई पाउँ भनी अदालतमा मुद्दा दर्ता गराएको जिल्ला अदालत काठमाडौं स्रोतले जानकारी दिएको छ ।

मुद्दामा उनले राईसँग आफूले २०७१ सालदेखि राईसँग श्रीमतीको रुपमा विताएको र अहिले आएर उनले वेवास्ता गरेको भन्दै ‘नाता कायम गरी अंश दिलाई पाँउ’ भनेकी छन् । राईले आफूमाथि पटक पटक यौन दुव्यवहार तथा घरेलु हिंसा गरेको उनले दायर गरेको मुद्दामा उल्लेख छ । कतिपय अवस्थामा आफूमाथि राईबाट शारीरिक यातना समेत हुने गरेको भन्दै उनले आफूले राईसँग यो विषयमा धेरैपटक कुरा गरेको भएपनि उनले वेवास्ता गरेका कारण बाध्य भएर अदालतको ढोका ढक्ढक्याउनु परेको उल्लेख छ ।

मुद्दामा उनले आफू २०७१ सालदेखि राईसँगै रहेको भन्दै राई मन्त्री भएका बेला आफूलाई काठमाडौंको गल्फुटारमा कोठा भाडामा लिएर राखेको बताएकी छन् ।

Comment from facebook