पाटनको चर्चमा गायिका अन्जु पन्तको विवाह

Best Khabar Team | २०७७ फाल्गुन १२ गते बुधबार

२४ फेब्रुअरी, २०२१
काठमाडौं । चर्चित गायिका अञ्जु पन्त दोश्रोपटक विवाह बन्धनमा बाँधिएकी छन् । उनले आज इलामका थीर कोइरालासँग प्रेम विवाह गरेकी हुन् । ललितपुरको पाटनमा रहेको चर्चमा क्रिस्चियन परम्परा अनुसार कोइराला र पन्तबीच विवाह भएको उनको परिवारले जनाएको छ । सामान्य ढंगले गरिएको विवाहमा दुबै पक्षका आफन्त तथा केही साथीभाई मात्रै उपस्थित भएका थिए । थीर र अन्जु दुबै क्रिस्चियन धर्म मान्दै आएका छन् ।

विगत एक दशकअघि गायक मनोजराजसँग सम्बन्ध विच्छेद भएपछि गायिका पन्त लामो समयदेखि एक्लो जिबन विताउँदै आएकी थिइन् । विवाह बन्धनमा बाँधिनका लागि उनका परिवारका सदस्य, आफन्त तथा साथिभाईले दबाब दिएपछि आफू विवाह गर्ने निर्णयमा पुगेको केही दिनअघि गायिका पन्तले सामाजिक सञ्जालमार्फत् सार्वजनिक गरेकी थिइन् । केही समयअघि एउटा अनलाईनमा उनकी छोरीको अन्तर्वाता प्रकाशित भएको थियो ।

जहाँ उनले आमालाई विवाह गर्नका लागि आफूहरुले आग्रह गरेको बताएकी थिइन् । पूर्वी नेपालबाट प्रकाशित हुने एक स्थानीय पत्रिकाका पूर्व सम्पादकसमेत रहेका कोइराला र पन्तबीच विगत केहीवर्षदेखि प्रेम सम्बन्ध रहेको दुबैले स्वीकार गरेका छन् । उनीहरुले सोही सम्बन्धलाई विवाहमा परिणत गरेका हुन् ।

Comment from facebook