स्कुल, कलेज र अफिस बन्द भयो : पुराना नेपाली फिल्म पनि हुनसक्छ समय कटाउने माध्यम ( फिल्मसहित)

Best Khabar Team | २०७६ चैत्र ६ गते बिहिबार

१९ मार्च, २०२०
काठमाडौं । कोरोना भाइरसको प्रकोप विश्वव्यापी बन्दै गएपछि यतिबेला देशभरका विद्यालयहरु एक महिनाका लागि बन्द भएका छन् । विद्यालयसँगै क्याम्पस तथा धेरै भीडभाड हुने अफिसहरु पनि विस्तारै बन्दै हुने क्रममा छन् ।

कोरोनाबाट बच्नका लागि घरबाहिर वा भीडभाड हुने ठाउँमा ननिस्कन सरकारले आम नागरिकलाई अपिल गरेको छ । योसँगै तपाईँसँगै प्रसस्तै समय रहेको छ । पहिलो कुरा त आफू र आफ्नो परिवारको स्वास्थ्य सुरक्षामा चनाखो बन्नुहोस् । त्यसपछि मात्रै अन्य विकल्प तर्फ सोच्नुहोस् । फुर्सदको यो समय कसरी कटाउने ? तपाईँसँग धेरै विकल्प छ समय कटाउनका लागि । विगतमा काम विशेषले रोकिएका कामहरुलाई अहिले पूर्णता दिन सक्नुहुन्छ । तपाईँ पुस्तक पढ्नसक्नुहुन्छ, योगा गर्न सक्नुहुन्छ, संगीत सिक्न सक्नुहुन्छ, व्यायम वा मेडिटेन गर्न सक्नुहुन्छ ।

सकेसम्म रचनात्मक काम गरेर नै समय विताउनुभयो भने यसले तपाईँको जीवनमा पनि सकारात्मक परिवर्तन ल्याउने छ । दिउँसोमा सुत्ने बानी सकेसम्म गर्नुहोस् । रातीमात्रै सुत्ने बानी गर्नुभयो भने यसले तपाईँलाई धेरै हिसावले फाइदा गर्दछ । यी त भयो केही विकल्प ।

होइन तपाईँलाई यो समयमा कुनै पुराना नेपाली फिल्म हेरौं भन्ने लागेको छ भने हामीले तल केही पुराना नेपाली फिल्महरुको लिंक उपलब्ध गराएका छौं । जुन तपाईँको यो अहिलेको समय कटाउने सुरक्षित र भरपर्दो माध्यम हुनसक्छ ।