एनसेललाई दोश्रो पत्र : १५ दिनभित्र करचुक्ता नगरे कडा कारबाहीको चेतावनी

Best Khabar Team | २०२६ पुष १७ गते बिहिबार

२३ डिसेम्बर, २०१९
काठमाडौं। निजी मोबाइल सेवा प्रदायक एनसेललाई आगामी १५ दिनभित्र कर चुक्ता गर्न ठूला करदाता कार्यालयले निर्देशन दिएको छ । कार्यालयले आज दोश्रोपटक एनसेलललाई पत्र पठाई १५ दिनभित्र कर चुक्ता नगरे कडा कारबाही गर्ने चेतावनीसहितको पत्र पठाएको हो ।

लामो समयदेखि सरकारलाई तिर्नुपर्ने कर तिर्न आनाकानी गर्दै आएको निजी मोबाइल सेवा प्रदायक एनसेलले सरकारलाई २२ अर्ब ४४ करोड ५३ लाख रुपैयाँ कर तिरेको छैन । यसअघि सवोृच्च अदालतले समेत एनसेलबाट कर असुल उपर गर्न सरकारलाई निर्देशन दिएको थियो । यो रकममा कर रकमसहित त्यसको साँवा र व्याज संलग्न रहेको बताइएको छ ।

यसअघि सात दिनको समय दिएर कर रकम असुली गर्न सरकारले एनसेललाई ताकेता गरेको थियो । लामोसमयदेखि एनसेलले सरकारलाई तिर्नुपर्ने सरकारी कर तिर्न आनाकानी गर्दै आइरहेका बेला ठूला करदाता कार्यालयले फेरि एनसेललाई पत्र पठाएर यो निर्देशन दिएको हो ।