२७ दिनमा कोरोनालाई जितिन् काठमाडौंकी युवतीले

Best Khabar Team | २०२६ पुष १७ गते बिहिबार

१८ अप्रिल, २०२०
काठमाडैं । गत चैत्र ४ गते युरोपेली मुलुक फ्रान्सबाट नेपाल आएकी काठमाडौंकी एक युवतीले प्रसिद्धि श्रेष्ठ कोरोनालाई जित्दै २७ दिनपछि पूर्णस्वास्थ्य लाभ गरी घर फर्केकी छन् । नेपालकै दोश्रो कोरोना संक्रमित श्रेष्ठमा कोरोनाको संक्रमण पूर्णरुपमा निको भएपछि अस्पतालले आज डिस्चार्ज गरेको हो ।

स्वास्थ्य मन्त्रालयका अनुसार प्रसिद्धिले ४ हप्ताको नियमित उपचारपछि स्वास्थ्य लाभ गरेको र त्यसपछि उनलाई डिस्चार्ज गरिएको हो । चैत्र ४ गते फ्रान्सको राजधानी पेरिस हुँदै काठमाडौं आएकी प्रसिद्धि त्यसको ५ दिनपछि अस्पतालमा चेकजाँचको लागि गएकी थिइन् । भोलिपल्ट अर्थात् चैत्र १० गते उनमा कोरोना संक्रमण भएको पुष्टि भएको थियो । लगत्तै उनलाई टेकुको शुक्रराज ट्रपिकल तथा सरुवा रोग अस्पतामा राखेर उपचार थालिएको थियो ।

चिकित्सकहरुले आफूहरुमा कोरोनाको कुनै संक्रमण बाँकी नरहेको बताएको र आफूले पनि पूर्णरुपमा स्वस्थ गरेको महशुस भएपछि डिस्चार्ज गरिएको उनको भनाई छ । आफ्नो स्वास्थ्य उपचारमा सहयोग गर्ने सबैमा उनले धन्यावाद व्यक्त गरेकी छन् । उनीसँगै सोही दिन सोहि विमानमा कतारबाट काठमाण्डौ आएका बाग्लुङ्गका २ जनामा कोरोनाको संक्रमण देखिएछि उनीहरुलाई धवलागिरी अस्पतालमा राखेर उपचार गरिँदैछ ।

यसअघि गत माघमा चीनबाट फर्केका एक युवामा कोरोनाको संक्रमण देखिएको र उनले यसअघि नै स्वास्थ्य लाभ गरिसकेका छन् । उनी नेपालमा पहिलो पटक कोरोना संक्रमित थिए । अब नेपालमा कोरोना संक्रमणमा परी अस्पतालमा उपचार गराइरहेकाहरुको संख्या जम्मा २८ रहेको छ ।

Comment from facebook