पुराना संगीतकर्मी तथा गायक सञ्जीप प्रधानका बुबा गणेशभक्तको निधन

Best Khabar Team | २०७६ माघ २७ गते सोमबार

१०, फेब्रुअरी, २०२०
काठमाडौं । ५० र ६० को दशकमा चर्चित पप गायकको रुपमा छबी बनाउन सफल गायक सञ्जीप प्रधानलाई पितृशोक परेको छ । संगीतकारसमेत रहेका गायक सञ्जीपका बुबा गणेशभक्त प्रधानको २ दिनअघि काठमाडौंमा निधन भएको बताइएको छ ।

७६ वर्षका गणेशभक्त पछिल्लो समयमा कब्जियतको समस्याबाट पीडित हुनुहुन्थ्यो । केही समयअघि उहाँको आन्द्राको शल्यक्रिया समेत गरिएको थियो । तर त्यसको केही समयपछि नै उहाँको निधन भएसँगै सिँगो परिवार शोकमा डुबेको छ । स्वर्गीय संगीतकार गणेशभक्तका छोरा एवं गायक सञ्जिप र बुहारी सरिष्मा अमात्य हाल अमेरिकामा बसोबास गर्दै आइरहेका भएपनि गायक सञ्जिप भने केही समयअघिदेखि नेपालमै रहेर बुबाको रेखदेखमा व्यक्त थिए । नेपालको संगीतिक इतिहाँसमा स्वर्गीय गणेशभक्तको नाम फरक ढंगले लेखिएको छ ।

उहाँले आफ्ना पालमा भारतको कोलकत्तासम्म पुगेर गीत रेकर्ड गराएको प्रमाण भेटिएको छ । विक्रम सम्वत२०३० ताका रेडियो नेपाल र भारतको एचएमभीमा समेत स्वर्गीय प्रधानले दर्जनौं गीतहरु रेकर्ड गराएका थिए ।

Comment from facebook