चिनियाँ राष्ट्रपति उत्तर कोरिया पुगेलगत्तै ट्रम्पले किमलाई पत्र पठाए

Best Khabar Team | २०७६ असार ८ गते आइतबार

२३ जुन, २०१९
न्यूयोर्क । पछिल्लो समयमा अमेरिका र चीनबीच देखिएको व्यापार टकरावको असर कुटनीतिक रुपमा समेत देखिन थालेको छ । विश्वको सर्वशक्तिमान सम्पन्न भएपनि उत्तर कोरियाको सैन्य गतिविधिदेखि त्रसित अमेरिकाले चीनयाँ उत्पादन हुवाये कम्पनीबाट उत्पादित सामान प्रयोगमा रोग लगाउने निर्णय गरेसँगै यसको असर कुटनीतिक तबरमा समेत हुन थालेको छ ।

अमेरिकी राष्ट्रपति डोनाल्ड ट्रम्पले राष्ट्रिय सुरक्षाको कारण देखाउँदै चिनियाँ हुवावे कम्पनीको सामान प्रयोगमा रोग लगाउने निर्णय गरेसँगै चीन अमेरिकाबीच समन्ध चिसिन थालेको हो । यही क्रममा हालैमात्र चिनियाँ राष्ट्रपति सि जिङ्पिङले पछिल्लो घटनाक्रमका विषयमा उत्तर कोरियाका राष्ट्रपति किम जोङ्सँग भेटवार्ता गर्नुभएको छ । चिनियाँ राष्ट्रपतिले उत्तर कोरियाली समकक्षीलाई भेटेसँगै अमेरिकी राष्ट्रपतिले कुटनीतिक गतिविधिलाई तीब्र बनाउनुभएको छ । हालै उहाँले उत्तर कोरियाका राष्ट्रपति जोङ उनलाई पत्र पठाएको विषयलाई अन्र्तराष्ट्रिय सञ्चारमाध्यमले निक्कै महत्वको साथ समाचार संप्रेषण गरेका छन् ।

विशेषतः चिनियाँ राष्ट्रपतिले उत्तर कोरियाको भ्रमण गरेसँगै अमेरिका सशंकित देखिएको छ । यद्यपि अमेरिकी राष्ट्रपतिले पनि निकट भविष्यमै दक्षिण कोरियाको भ्रमण गर्ने तयारी गर्नुभएको छ । यद्यपि विश्लेषकहरुले यसलाई अन्यथा लिन नहुने बताएका छन् । दक्षिण कोरिया भ्रमणको पूर्व सन्ध्यामा अमेरिकी राष्ट्रपतिले आफ्ना उत्तरकोरियाली समकक्षीलाई पत्र पठाउनु निक्कै सकारात्मक भएको उहाँको प्रतिक्रिया छ ।