नेपालमा कोरोना : हालसम्म ११ को मृत्यु, संक्रमितको संख्या ३ हजार नजिक

Best Khabar Team | २०७७ बैशाख २४ गते बुधबार

०५ जुन, २०२०
काठमाडौं । नेपालमा कोरोनाका कारण मृत्यु हुनेको संख्या ११ पुगेको छ । स्वास्थ्य तथा जनसंख्या मन्त्रालयका अनुसार सुर्खेतमा बिहीबार ज्यान गुमाएका युवकको मृत्यु कोरोनाबाटै भएको पुष्टि भएको छ । जिल्लाको पञ्चपुरी नगरपालिका वडा नम्बर १ का ती युवकको क्वारेन्टाइनबाट घर फर्केकै दिन निधन भएको थियो ।

क्वारेन्टाइनमा उनको आइडीटी बिधिबाट गरिएको परीक्षणमा रिपोर्ट नेगेटिभ आएको थियो । तर मृत्युपछि पिसिआर बिधिबाट गरिएको स्वाब परीक्षणमा उनमा कोरोना संक्रमण पुष्टि भएको मन्त्रालयको भनाई छ । योसँगै नेपालमा कोरोनाबाट ज्यान गुमाउनेको संख्या ११ पुगेको छ । यसैबीच देशका २ दर्जन जिल्लामा पछिल्लो २४ घण्टामा कोरोना भाइरसका २ सय ७८ जना नयाँ संक्रमित थपिएका छन् ।

संक्रमित थपिएसँगै देशभर कुल संक्रमितको संख्या ३ हजार नजिक पुगेको छ । मन्त्रालयले दिएको जानकारी अनुसार पछिल्लो २४ घण्टामा थपिएका संक्रमितहरुसहित देशभर अब कोरोना संक्रमितको संख्या २ हार ९ सय ९२ पुगेको छ। संक्रमित मध्ये ३ सय ३३ जना उपचारपछि घर फर्केका छन् ।