अमेरिकामा कोरोनाबाट एकैदिन १ सय ७ को मृत्यु, संक्रमितको संख्या ७८ हजार नाघ्यो

Best Khabar Team | २०२६ पुष १७ गते बिहिबार

२६ मार्च, २०२०
न्यूर्योक । विश्वव्यापी रुपमा महामारीको रुपमा फैलिएको केरोना भाइरसको संक्रमणबाट अमेरिका पनि नराम्ररी प्रभावित बनेको छ । अमेरिकामा यो समाचार तयार पार्दासम्म कोरोनाको संक्रमणबाट अहिलेसम्म अमेरिकामा १ हजार १ सय ३६ जनाको मृत्यु भै सकेको छ भने ७८ हजार ७ सय ५ जना संक्रमित विभिन्न अस्पतालमा उपचार गराईरहेका छन् ।

अमेरिकामा पछिल्लो २४ घण्टामा कोरोनाको संक्रमणको कारण १ सय ७ जनाले ज्यान गुमाएका छन् । यो तथ्यांकबाट अमेरिका नराम्ररी झस्किएको छ । कोरोनाका कारण अमेरिकाको न्यूर्योक, वासिंटन डिसी र न्यूजर्सी राज्यमा सबैभन्दा बढी प्रभावित भएका छन् । न्यूर्योकमा अहिलेसम्म ३ सय ८५ जनाको कोरोनाको संक्रमणबाट ज्यान गएको छ भने ३७ हजार २ सय ५८ जना संक्रमित भएका छन् ।

यस्तै, वासिंटन डिसीमा १ सय ३२ जनाको ज्यान गएको छ । भने न्यूजर्सीमा ८१ जनाको ज्यान गएको छ । यस्तै क्यालिफोर्नियामा ६८ जना, मिचिगेन राज्यमा ६०, फ्लोलिडामा २८, पेन्सिलभेनियामा १६, टेक्सासमा १८, जियोर्जियामा ४८, इन्डियाना राज्यमा १७, क्लोराडोमा १९ जनाको ज्यान गै सकेको छ ।

अमेरिकामा अधिकांश राज्यहरु कोरोनाबाट प्रभावित बनेका छन् । अहिले यहाँको सरकारले सिँगो सिटीलाई लकडाउन गरी कोरोना संक्रमितको उपचार तीब्र बनाएपनि संक्रमण रोकिएको छैन ।