Best Khabar Team | २०२६ पुष १७ गते बिहिबार
१६ अप्रिल २०२०
काठमाडौं । विश्वका विभिन्न देशमा जोखिमपूर्ण अवस्थामा रहेका नेपाली नागरिकहरुलाई तत्काल उद्दार गर्न सर्वोच्च अदालतले सरकारलाई निर्देशन दिएको छ । । विशेषतः बैदेशिक रोजगारीका शिलशिलामा विश्वका विभिन्न मुलुकमा पुगेका नेपाली नागरिकहरुलाई यथासक्य नेपाल झिकाउन सर्वोच्चले सरकारलाई निर्देशन दिएको हो ।
कोरोना भाईरस (कोभिड १९) को संक्रमणका कारण विशेषतः खाडी मुलुकमा रहेका नेपाली मजदुरहरुको दैनिक कष्टकर बनेको भन्दै सर्वोच्चले उनीहरुलाई उद्दार गर्न सरकारको नाममा आदेश जारी गरेको हो । न्यायाधीश सपना प्रधान मल्लको एकल इजलासले आज सरकारको नाममा आदेश जारी गर्दै विदेशमा जोखिममा रहेका नागरिकलाई नियमन र नियन्त्रणको शर्त बन्देजसहित फिर्ता ल्याउन भनेको छ ।
अधिवक्ता सोमप्रसाद लुइँटेल, प्रकाश खनाल र सुदीप देवकोटाले विदेशमा जोखिममा रहेकाहरु अनियन्त्रित र अव्यवस्थित रुपमा नेपाल प्रवेश गर्दा थप जोखिम हुने भन्दै उनीहरुको उद्दारका लागि अन्तरिक आदेश जारी गर्न माग गर्दै बुधबार सर्वोच्चमा रिट दायर गरेका थिए । आदेशमा सर्वोच्चले विश्वका विभिन्न देशले आफ्ना देशका नागरिकलाई उद्दार गरिरहेको अवस्थामा नेपाल सरकारले टुलुटुलु हेरेर बस्न नमिल्ने भन्दै तत्काल यसतर्फ ठोस कदम चाल्न निर्देशन दिएको छ ।
हाल कोरोना फैलिएको मुलुकमा वैदेशिक रोजगारीमा रहेका नेपालीको ती देशमा रहेका नेपाली दूतावास वा श्रम सहचारीमार्फत कोरोना भाइरस संक्रमित नेपालीको स्वास्थ्य स्थिति प्रतिवेदन तयार गरी उनीहरुको स्वास्थ्य उपचारको ग्यारेन्टी गर्न पनि सरकारलाई आदेश दिइएको छ ।
२०७७ पुष २४ गते शुक्रबार
०१ अगस्ट, २०२१मेलम्ची, सिन्धुपाल्चोक । सिन्धुपाल्चोकको मेलम्ची क्षेत्रमा फेरि...
२०७७ जेठ २२ गते बिहिबार
०६ मार्च, २०२० लण्डन । कोरोना भाइरसको संक्रमणपछि घरमै...
२०७७ बैशाख २८ गते आइतबार
०५ अक्टोबर, २०२०मार्तडी, बाजुरा । विगत ४ दिनदेखि वेपत्ता...
२०२६ पुष १७ गते बिहिबार
२५ मार्च, २०२०विलिङ्गटन । न्युजिल्याण्डमा पनि कोरोनाको संक्रमण चुलिँदै...
Top