धरौटीमा छुटिन् गायिका राउत

Best Khabar Team | २०७६ माघ १४ गते मंगलबार

२८ जनवरी, २०२० काठमाडौं । जिल्ला प्रशासन कार्यालय काठमाडौंमा थुनामा रहेकी गायिका आस्था राउत रिहा भएकी छिन् । मंगलबार उनलाई रु. चार हजार धरौटी बुझाउने गरी रिहाको आदेश गरिएको हो । काठमाडौं महानगरीय प्रहरी परिसरका प्रवक्ता डिएसपी होबिन्द्र बोगटीले उनलाई रिहा गर्ने आदेश दिइएको जानकारी गराएका हुन् ।

प्रहरीसँग अभद्र व्यवहार गरेको आरोपमा उनलाई अनुसन्धानका लागि खोजी गरिएको थियो । गायिका राउत सोमबार बिहान प्रहरी परिसरमा आफैँ उपस्थित भएपछि अनुसन्धान कार्य अगाडि बढेको थियो । डिएसपी बोगटीले जनाएअनुसार आफूबाट भएको अभद्र व्यवहारका लागि गायिका राउतले माफी मागेकी थिइन् ।

Comment from facebook