मुगुमा सामूहिक हत्या प्रकरण : प्रहरीको विशेष अनुसन्धान टोली घटनास्थलमा

Best Khabar Team | २०८० कार्तिक ११ गते शनिबार


२८ अक्टोबर, २०२३
गमगढी, मुगु । मुगुको छायाँनाथ रारा नगरपालिकामा एकै परिवारका ४ जनाको समूहिक हत्या भएको घटनाको अनुसन्धानका लागि नेपाल प्रहरीको विशेष अनुसन्धान टोली घटनास्थल पुगेको छ । बाँकेको कोहलपुलबाट तालिमप्राप्त कुकुरसहित प्रहरी अधिकारीहरुको विशेष टोली आज बिहान स्थानीय मुन्दु गाउँ पुगेका हो । टोलीले आजैबाट घटनाको विषयमा विस्तृत अनुसन्धान गर्ने जिल्ला प्रहरी कार्यालय मुगुले जानकारी दिएको छ ।

शुक्रबारदेखि स्थानीय प्रहरीले घटनास्थललाई सिल गरेर राखेको छ । मुगेको छायाँनाथ रारा नगरपालिका–५ मुन्दु गाउँमा शुक्रबार बिहान एकै परिवारका ४ जनाको शव भेटिएको थियो । प्रहरीले दिएको जानकारी अनुसार स्थानीय २८ वर्षकी श्रीदेवी बोहोरा, उनका ११ र १ वर्षका छोराहरु क्रमश मनोज र रहर बोहोरा तथा सात वर्षकी छोरी अप्सरा बोहोरा घरमै मृत अवस्थामा भेटिएका थिए । श्रीदेवीका श्रीमान् बैदेशिक रोजगारीमा रहेका बेला उनको परिवारका ४ जनाको धारिलो हतियार प्रयोग गरी हत्या गरिएको स्थानीयले जानकारी दिएका छन् ।

मुगुको सदरमुकामदेखि ३ घन्टा टाढा रहेको मुन्दु गाउँकी श्रीदेवी माइतमा दशैंको टिका लगाएर घर फर्केकै भोलिपल्ट दुई छोरा र छोरीसहित मृत अवस्थामा भेटिएकी हुन् । उनीहरु सबैको हत्या भएको आशंका गर्दै प्रहरीले विशेष ढंगले अनुसन्धान अघि बढाएको छ । घटनामा गाउँकै व्यक्तिको संलग्नता हुनसक्ने आशंका गरिएको छ । घटना सुनेलगत्तै श्रीदेवीका श्रीमान् दिपक बोहोरा कतारबाट काठमाडौं फर्केका छन् । उनीपनि आजै साँझसम्म मुगुस्थित घर आइपुग्ने बताइएको छ ।



Comment from facebook



थप खबर पढ्नुहोस्
सुरक्षा माग्दै जिल्ला अस्पताल डडेल्धुराका चिकित्सक सामूहिक विदामा सुरक्षा माग्दै जिल्ला अस्पताल डडेल्धुराका चिकित्सक सामूहिक विदामा

२०७६ असार १ गते आइतबार

१६ जुन, २०१९ काठमाडौं । पछिल्लो समयमा भै रहेका...

आफूलाई ज्योतिष भन्दै भूकम्पको भविष्यवाणी गर्ने युवक प्रहरी नियन्त्रणमा आफूलाई ज्योतिष भन्दै भूकम्पको भविष्यवाणी गर्ने युवक प्रहरी नियन्त्रणमा

२०७६ जेठ २१ गते मंगलबार

०४ जुन, २०१९ काठमाडौं । मिति तोकेर ठूलो भूईँचालो...

‘लकडाउन’ को रुपरेखा परिवर्तन हुने : सरकारले आज औपचारिक निर्णय गर्दै ‘लकडाउन’ को रुपरेखा परिवर्तन हुने : सरकारले आज औपचारिक निर्णय गर्दै

२०७७ जेठ २८ गते बुधबार

१० जुन, २०२०काठमाडौं । कोरोना संक्रमणलाई मध्यनजर गर्दै २०७६...

पूर्वमन्त्री गजुरेल भन्छन् : गत्यावरोधको प्रमुख कारक उपसभामुख तुम्बाहम्फे पूर्वमन्त्री गजुरेल भन्छन् : गत्यावरोधको प्रमुख कारक उपसभामुख तुम्बाहम्फे

२०७६ माघ २ गते बिहिबार

१६ जनवरी, २०२० काठमाडौ । पूर्वमन्त्री हरिबोल गजुरेलले संसदमा...

Top