८ लाख ठगी गरेको भन्दै काँग्रेस सांसद पार्वताविरुद्ध काठमाडौंमा उजुरी

Best Khabar Team | २०७६ चैत्र २० गते बिहिबार

०४ फेब्रुअरी, २०२०
काठमाडौं । आफूहरु आफ्नै प्रतिनिधिबाट ठगिएको भन्दै काठमाडौंस्थित सांसद सचिवालयमा प्रतिनिधिसभाकी एक सांसद विरुद्ध उजुरी परेको छ । प्रतिनिधिसभाकी सांसद पार्वता डिसी चौधरीका विरुद्ध दाङ्गकै २ जनाले काठमाडौंमा रहेको सांसद सचिवालयको कार्यायमा आज ८ लाख रुपैयाँ ठगी मुद्दा दर्ता गरेका हुन् ।

यसरी मुद्दा दर्ता गराउनेमा तत्कालीन अवस्थामा दाङको गढवा गाविसस्थित कांग्रेस उपसभापति कृष्णराज पाण्डे र लिलाबहादुर थापा छन् । पाण्डे र थापाले दर्ता गराएको उजुरी अनुसार सांसद चौधरीले शुरुमा तीन लाख र पछि ५ लाख समेत गरी आठ लाख रुपैयाँ लिएपनि त्यो फिर्ता नगरेको बताइएको छ ।

२०७४ सालमा ३ लाख रुपैयाँ लिएको र पछि बाँकी पाँचलाख रुपैयाँ लिएको विषयमा आफूहरुले पार्टी पंक्तिमा पनि पटक पटक उजुरी गरेको बताएका छन् । तर पार्टीले पनि यो विषयमा सुनुवाई नगरेपछि आफूहरु बाध्य भएर सांसद सचिवालयको ढोका ढक्ढक्याउन आएको उल्लेख छ ।

उनीहरुले चौधरीको खातामा रकम हालिदिएको एभरेष्ट बैंकको भौचरसमेत उजुरीसँगै सचिवालयमा पेश गरेका छन् । घटनाको विषयमा संसद सचिवालयले थप अनुसन्धान प्रक्रिया अघि बढाउने आश्वासन पीडितलाई दिएको छ ।

Comment from facebook