बाग्लुङ्गमा भीषण दुर्घटना, १४ को मृत्यु, ३ घाइते, १ वेपत्ता

Best Khabar Team | २०७६ मंशिर १७ गते मंगलबार

०३ डिसेम्बर, २०१९
काठमाडौं । पश्चिम नेपालको बाग्लुङ्ग जिल्लामा आज दिउँसो भएको भीषण सडक दुर्घटनामा परी १४ जनाको ज्यान गएको छ । जिल्लाको वडिगाड गाउँपालिका वडा नम्बर ७ भिमगिठेमा भएको सो दुर्घटनामा परी कुल पुजाका लागि डिँडेका १४ जनाको घटनास्थलमै ज्यान गएको हो । गुल्मीको ईश्मीबाट बाग्लुङ्गको देवीस्थान जादै गरेको ग १ ख ४२१९ नम्बरको जिप आज दिउँसो मध्यपहाडी लोकमार्गको भिमगिठेमा दुर्घटनामा परेको हो ।

सडकबाट सो जिप खोलामा खसेको थियो । स्थनीय देवीस्थानमा कुलपूजामामा सहभागी हुनका लागि जानेहरु चढेको सो जीप दुर्घटनामा परेको हो । दुर्घटनामा गुल्मी इश्मा गाउँपालिका ४ का बसुन्धरा कार्की, सिता कार्की, माया थापा, भवी कार्की, भूमा कार्की, धनबहादुर कार्की, मिना बस्नेत
गुल्मी इश्मा गाउँपालिका ५ का रेशम थापाको ज्यान गएको छ । यस्तै, नवलपरासी जिल्ला बर्दघाट नगरपालिका २ की भूमा कार्की र बागलुङकै बडीगाड गाउँपालिका ७ की नरमाया खत्रीको पनि सो दुर्घटनामा ज्यान गएको हो ।

सो दुर्घटनामा ज्यान गुमाउने हरु ४ जनाको सनाखत हुन सकेको छैन । दुर्घटनामा बर्दघाटका १८ वर्षका जीवन कार्की, इश्माका ८ वर्षीय हिमाल कार्की र २४ वर्षीय रेशमा कार्की घाइते भएका छन् । कुल १८ जना सवार सो जीपमा सवार स्थानीय १५ वर्षका धनबहादुर कार्की वेपत्ता भएका छन् । क्षमता भन्दा बढी यात्रु र तीव्र गतिका कारण जीप दुर्घटनामा परेको हुनसक्ने प्रहरीले जनाएको छ ।

घाइतेहरुलाई नेपाली सेनाले उद्दार गरी हेलिकोप्टरबाट काठमाडौंमा उपचारार्थ ल्याएको छ । केहीदिनअघि अर्घाखाँचीमा भएको यात्रुबाहक बस दुर्घटनामा परी १७ जनाको ज्यान गएको एक साता वित्न नपाउँदै बाग्लुङ्मा यो दुर्घटना भएको हो ।

Comment from facebook