नेपालमा कोरोना कहर : बैशाख १५ सम्म लम्बियो ‘लकडाउन’

Best Khabar Team | २०२६ पुष १७ गते बिहिबार


१४ अप्रिल, २०२०
काठमाडौं । सरकारले कोरोना संक्रमण (कोभिड १९) लाई मध्यनजर गर्दै आगामी बैशाख १५ गतेसम्मका लागि लकडाउन (बन्दाबन्दी) को समय लब्याउने निर्णय गरेको छ । नेपाल सरकारको मन्त्रीपरिषद् बैठकले नेपालमा पछिल्लो समयमा कोरोना संक्रमितको संख्या थपिँदै गएका कारण लकडाउनको समय थप्ने निर्णय गरेको हो ।

आजैमात्र छिमेकी मुलुक भारतले पनि लकडाउनको समय ३ साता थप गरेपछि नेपाल सरकारले थप १२ दिनका लागि लकडाउन लम्ब्याउने निर्णय गरेको हो । यसअघि सरकारले तेश्रोपटक थप गरेको लकडाउनको समयावधि भोलि राति सकिँदै छ । तर तत्काल लकडाउन खोल्दा जोखिम बढ्न सक्ने ठहर सहित सरकारले लकडाउनको समय थप गरेको हो ।

लकडाउनका बेलापनि अत्यावश्यक सेवा प्रवाह गर्ने सवारी साधनहरु निर्वाध रुपमा सञ्चालन हुने सरकारले जनाएको छ । यस्तै अति आवश्यक कामका लागि बाहिर जानेहरुका लागि सवारी पासको व्यवस्था समेत गरिएको सरकारको भनाई छ । यसअघि सरकारले गत चैत्र ५ गते बिहान ६ बजेदेखि मुलुकमा लकडाउन गरेको थियो । त्यसपछि चैत्र १७ र चैत्र २३ गते तेश्रोपटक लकडाउनको समय थप गरेको थियो ।

आज थपिएको लकडाउनको समय चौथोपटक थप गरिएको हो । नेपालमा हालसम्म कोरानाका १६ जना संक्रमित भेटिएका छन् भने कतिपयको क्वारेन्टाइनमा राखेर परिक्षण शुरु गरिएको छ । आज मात्रै काठमाडौंमा एकै परिवारका २ जनामा कोरोनाको संक्रमण भेटिएको पुष्टि भएको थियो ।



Comment from facebook



थप खबर पढ्नुहोस्
युरोपका विभिन्न देशस्थित भारतीय दुतावास घेराउ, सिमा अतिक्रमणको विरोध युरोपका विभिन्न देशस्थित भारतीय दुतावास घेराउ, सिमा अतिक्रमणको विरोध

२०७६ बैशाख २९ गते आइतबार

०५ डिसेम्बर, २०१९ ब्रसेल्स । भारतले हालै सार्वजनिक गरेको...

कोरोनाको इपिसेन्टर बनेको इटलीले पर्यटकलाई स्वागत गर्न शुरु ग-यो कोरोनाको इपिसेन्टर बनेको इटलीले पर्यटकलाई स्वागत गर्न शुरु ग-यो

२०७६ फाल्गुन २३ गते शुक्रबार

०३ जुन, २०२०रोम । युरोपमा कोरोनाको इपिसेन्टरको रुपमा रहेको...

रहेनन् विश्वकै होचा व्यक्तिको रुपमा गिनिजबुकमा नाम लेखाउने खगेन्द्र रहेनन् विश्वकै होचा व्यक्तिको रुपमा गिनिजबुकमा नाम लेखाउने खगेन्द्र

२०२६ पुष १७ गते बिहिबार

१७ जनवरी, २०२० पोखरा । विश्वकै होचा व्यक्तिको रुपमा...

क्यानडामा नेपाली टोपी दिवस र भ्रमण वर्ष २०२० क्यानडामा नेपाली टोपी दिवस र भ्रमण वर्ष २०२०

२०७६ माघ १८ गते शनिबार

०२ जनवरी, २०२०टोरोन्टो । अँग्रेजी नयाँ वर्षको दिन नेपालीहरुले...

Top