झण्डै ६५ दिन अन्तरिक्षमा बिताएर सकुशल पृथ्वीमा फर्किए दुई अमेरिकी अन्तरिक्ष यात्री

Best Khabar Team | २०७७ श्रावण १९ गते सोमबार

०३ अगस्ट, २०२०
न्यूर्योक, अमेरिका । २ महिना लामो अन्तरिक्षको सफल बसाई पछि अमेरिकाका दुईजना अन्तरिक्ष यात्री आइतबार शकुशल यहाँ फर्किएका छन् । विश्वव्यापी कोरोना महामारी तथा अमेरिका स्वयं विश्वमै सबैभन्दा धेरै कोरोना प्रभावित मुलुकको सूचीमा दर्ज भै रहँदा गएको मे ३० तारिखका दिन नासाले दुईजना अन्तरिक्ष यात्री राखेर एउटा रकेट अन्तरिक्षमा पठाएको थियो ।

अमेरिकी सेनाका पूर्व पाईलट रहेका बब बेहनकेन र डग हर्ले २ महिना भन्दा लामो समय समय अन्तरिक्षमा विताएर सकुशल पृथ्वीमा अवतरण गरेका हुन् । अन्र्तरिक्षमा मान्छे पठाएर सकुशल पृथ्वीमा फर्काउन सकिन्छ भन्ने सन्देश प्रवाह गर्ने उद्देश्यले अमेरिकाले २ महिना अघि स्पेसएक्स नामक रकेट अमेरिकाको फ्लोरिडास्थित क्यानेडी स्पेस सेन्टरबाट अन्तरिक्षका लागि उडाएका थियो ।

आइतबार अमेरिकी राष्ट्रपति डोनाल्ड ट्रम्पलगायत नासाका उच्च बैज्ञानिकहरुको उपस्थितिमा स्पेसएक्समा यात्रारत दुई अन्तरिक्ष यात्री फ्लोरिडा नजिकै रहेको समुद्री क्षेत्रमा प्यारासुट मार्फत अवतरण गर्दा त्यहाँको वातावरण खुसीले गुज्जयमान भएको थियो । यो अभियान सफल भएसँगै अमेरिका र नासाले भोलिका दिनमा अन्र्तरिक्षमा मानव पठाउनका लागि थप सहजता भएको प्रतिक्रिया दिएको छ ।

थप यो खबर पनि पढ्नुहोस् ।