दुई मानवसहित अमेरिकाले अन्तरिक्षमा पठायो रकेट (भिडियोसहित)

Best Khabar Team | २०२६ पुष १७ गते बिहिबार


३० मे, २०२०
न्यूर्योक । विश्वमा सबैभन्दा धेरै कोरोना संक्रमणको चपेटामा परेको अमेरिकाले कोरोना कहरकै बीच आज (शनिबार) अन्तरिक्षमा मानवसहितको रकेट पठाएको छ । अमेरिकाले यो कार्यलाई आफ्नो ऐतिहासिक एवं ‘विशाल साहसिक कार्यको नयाँ अध्याय’ भएको प्रतिक्रिया दिएको छ । नासामार्फत आज स्पेसएक्स नामक रकेटले फ्लोरिडाको क्यानेडी स्पेस सेन्टरबाट अमेरिकी समय अनुसार दिउँसो अन्तरिक्षका लागि उडान भरेको थियो । जसमा दुईजना अमेरिकी अन्तरिक्ष यात्रीपनि सँगै अन्तरिक्ष यात्रामा सहभागी छन् ।

यसअघि गएको बुधबार नै सो रकेट प्रक्षेपण गर्ने तयारी गरिएको भएपनि खराब मौसमका कारण आजका लागि उडानको समय सारिएको थियो । विगतमा एपोलो ११ नामको चन्द्रयान उडेकै ऐतिहासिक स्थानबाट अमेरिकाले आज अन्तरिक्षणका लागि यो मानवसहितको रकेट उडाएको अन्र्तराष्ट्रिय सञ्चारमाध्यमहरुले जनाएका छन् ।

अमेरिकाको स्थानीय समय अनुसार भोलि बिहान १० बजेपछि सो मानवयान अन्तरिक्षको कक्षमा प्रवेश गर्ने र त्यहाँको डाटा संकलन गर्ने अपेक्षा गरिएको छ । अन्तरिक्ष यात्रुहरुले दुई महिना अन्तरिक्षमै विताउने बताइएको छ ।

अन्तरिक्ष यानमा नासाका दुई अन्तरिक्ष यात्रीहरू बब बेहनकेन र डग हर्ले रहेका छन् । उनीहरु दुबै सेनाका पूर्व पाइलटहरु हुन् । उनीहरुले यसअघि स्पेस शटलमा दुईवटा अभियान सम्पन्न गरेका थिए । आज अन्तरिक्षमा पठाईएको रकेट स्वचालित रहेको र अत्याधुनिक भएको नासाले जनाएको छ । जसमा तामक्रम नियन्त्रण गर्ने अत्याधुनिक प्रविधि जडान गरिएको छ । यद्यपि यो यान स्वचालित भएपनि अन्तरिक्षयात्रीद्वय हर्ले र बेहनकेनले आवश्यक परेको खण्डमा यसलाई म्यानुअली सञ्चालन गर्न सक्नेछन् ।

‘डेमो २’ को नामले परिचित यो अन्तरिक्ष मिसन यानले मानिसहरुलाई सुरक्षित रुपमा अन्तरिक्षमा उडान गराउन सकिन्छ भन्ने पुष्टि गर्ने अपेक्षा गरिएको छ । यसले अन्तरिक्ष केन्द्रलाई चक्कर लगाएपछि नासा र स्पेसएक्सले डाटाको समीक्षा गर्ने र भावी दिनमा अन्तरिक्ष यानलाई थप मिसनहरूको लागि प्रमाणित गर्न सहयोगी सिद्ध हुने बैज्ञानिकहरुको अपेक्षा छ । अहिलेको यो उडान सफल भएमा भोलिका दिनमा ४ भन्दा बढी अन्तरिक्ष यात्रुहरुलाई एउटै यानमा राखेर एकैपटक अन्तरिक्षमा उडान गर्न सकिनेमा बैज्ञानिकहरु आशावादी रहेका छन् । यो यानले अन्तरिक्ष कक्षमा पुग्नको लागि १९ घण्टाको समय लगाउने छ ।

नासाका बैज्ञानिकहरुले भनेका छन् कि यो स्पेसएक्सको लागि ऐतिहासिक क्षण हो, जुन कक्षाकोठामा मानिस प्रक्षेपण गर्ने पहिलो निजी कर्पोरेसन समेत बनेको छ । रकेट उडान कार्यक्रममा अमेरिकाका राष्ट्रपति ट्रम्प र उपराष्ट्रपति पेंस, राष्ट्रिय अन्तरिक्ष परिषदका अध्यक्षलगायतको सहभागिता रहेको थियो । उनीहरुले अन्तरिक्षमा मावनसहित यान पठाएर नयाँ युगको शुरुवात गरेको प्रतिक्रिया दिएका छन् । अमेरिकामा पहिलोपटक निजी क्षेत्रबाट निर्माण गरिएको यानले अन्तरिक्षमा उडान भरेको हो । (एजेन्सीको सहयोगमा बेस्टखबर डटकमका लागि पि.एल तरंगले तयार पारेको सामग्री)

रकेट उडानको भिडियो हेर्न तलको लिंकमा क्लिक गर्नुहोला ।

सबै तस्वीरहरु साभार : नासाको आधिकारिक वेवसाईट
भिडियो साभार : दि हिल ।


Comment from facebook



थप खबर पढ्नुहोस्
सेप्टेम्बर १ (भदौ १६ गते) देखि निश्चित मापदण्डसहित बाह्य उडान खोल्ने सरकारको निर्णय सेप्टेम्बर १ (भदौ १६ गते) देखि निश्चित मापदण्डसहित बाह्य उडान खोल्ने सरकारको निर्णय

२०२६ पुष १७ गते बिहिबार

२१ अगस्ट, २०२०काठमाडौं । सरकारले विभिन्न देशमा रोकिएर रहेका...

आजबाट हट्यो लकडाउन : कोरोना त्रास कायमै रहेको भन्दै केही क्षेत्र तत्काल नखुल्ने, सतर्कता अपनाउन सरकारको आह्वान आजबाट हट्यो लकडाउन : कोरोना त्रास कायमै रहेको भन्दै केही क्षेत्र तत्काल नखुल्ने, सतर्कता अपनाउन सरकारको आह्वान

२०२६ पुष १७ गते बिहिबार

२२ जुलाई, २०२०काठमाडौं । सरकारले गएको चैत्र ५ गतेदेखि...

४ जिल्लामा थपिए ५७ संक्रमित, कोरोना संक्रमितको संख्या १९१ ४ जिल्लामा थपिए ५७ संक्रमित, कोरोना संक्रमितको संख्या १९१

२०७७ मंशिर २० गते शनिबार

१२ मे, २०२०काठमाडौं । नेपालमा एकैदिन ५७ जनामा कोरोना...

नेपालमा कोरोनाबाट ज्यान गुमाउनेको संख्या ९ पुग्यो नेपालमा कोरोनाबाट ज्यान गुमाउनेको संख्या ९ पुग्यो

२०७६ फाल्गुन २३ गते शुक्रबार

०३ जुन, २०२०काठमाडौं । नेपालमा कोरोनाको संक्रमणबाट मृत्यु हुनेको...

Top