दक्षिण कोरिया पुग्यो कोरोना भाइरसको प्रकोप, १ को मृत्यु, कम्तीमा १ सयमा संक्रमण

Best Khabar Team | २०७६ फाल्गुन ९ गते शुक्रबार

२१ जनवरी, २०२०
सोल । दक्षिण कोरियामा पहिलोपटक कोरोना भाईरसबाट एकजनाको ज्यान गएको छ । विश्वभर महामारीको रुप लिएको कोरोना भाईरसबाट दक्षिण कोरियामा एकजनाले ज्यान गुमाएपछि यहाँका सरकारी अधिकारीहरुले नगर क्षेत्रभित्रका मानिसहरुलाई घरबाहिर ननिस्कन निर्देशन दिएका छन् ।

दक्षिण कोरियामा हालसम्म करिब १ सय जनामा कोरोनाको संक्रमण देखिएको बताइएको छ । स्थानीय एक चर्चमा कोरोनाको संक्रमण भएका एक व्यक्ति प्रार्थनाका लागि पुगेपछि त्यहाँका अन्य मानिसहरुमा समेत कोरोना भाईरसको प्रकोप देखिएको दक्षिण कोरियाली सञ्चारमाध्यमहरुले जनाएका छन् ।

सरकारको यो निर्देशनसंगै दक्षिण कोरियाको डाइगु क्षेत्रका करिब २५ लाख मानिसहरु अब घरभित्रै बस्नुपर्ने भएको छ । शुरुमा करिब ६० वर्षीया बृद्दामा कोरोनाको संक्रमण देखिएको थियो । ती महिला चर्चमा प्रार्थनाका लागि गएका बेला अन्यमा पनि कोरोनाको संक्रमण फैलिएको आशंका गरिएको छ ।

यो सँगै अब दक्षिण कोरियामा पनि कोरोना भाइरसले महामारीको रुप लिनसक्ने भन्दै यहाँका अस्पताल तथा चिकित्सकहरुलाई आवश्यक सबै तयारी अघि बढाउन आग्रह गरिएको छ ।