अवतरणका क्रममा टर्कीको इस्तानबुल एयरपोर्टमा यात्रुबाहक विमान ३ टुक्रा (फोटोफिचर)

Best Khabar Team | २०७७ बैशाख २० गते शनिबार

०५ फेब्रुअरी, २०२०
इस्तानबुल । टर्कीको राजधानी स्तानबुलमा केहीबेरअघि यात्रुबाहक विमान अवतरणको क्रममा ३ टुक्रा भएको छ । स्थानीय सविया गोक्सन विमानस्थलमा १ सय ७७ यात्रु बोकेको पेगासस एयरको सो विमान एक्कासी तीन टुक्रा भएको थियो ।

अबतरणका क्रममा सो विमान रनवेमा चिप्लिँदा सो दुर्घटना भएको बताइएको छ । दुर्घटनामा २ दर्जन यात्रु घाइते भएको बताइएको छ । घाइतेहरुको टर्कीका विभिन्न अस्पतालमा उपचार भै रहेको छ । घटनामा कुनै मानवीय क्षति भने नभएको स्थानीय सञ्चारमाध्यमहरुले जानकारी दिएका छन् ।

घटनालगत्तै विमानस्थलमा रहेको बारुणयन्त्र तथा सुरक्षाकर्मीहरु परिचालन गरी यात्रुहरुको उद्दारकार्य अघि बढाइएको थियो । सो घटनाको विषयमा विमानसेवा कम्पनी तथा विमानस्थलसम्बद्ध सुरक्षाअधिकारीहरुले जाँच प्रक्रिया अघि बढाएका छन् । सो विमान कहाँबाट कहाँ जादैथियो भन्ने केही खुल्न सकेको छैन ।