फेरि थपिए १७ संक्रमित, नेपालभर २०८ मा कोरोना संक्रमण

Best Khabar Team | २०७७ मंशिर २० गते शनिबार

१२ मे, २०२०
काठमाडौं । नेपालमा आज एकैदिन ७४ जनामा कोरोना संक्रमण पुष्टि भएको छ । स्वास्थ्यमन्त्रालय स्रोतका अनुसार टेकुस्थित राष्ट्रिय प्रयोगशालामा गरिएको परिक्षणका क्रममा आज साँझ थप १७ जनामा कोरोना संक्रमण देखिएको हो । साँझ थप भएकाहरुको जिल्ला र उमेर लिंग खुल्न सकेको छैन । यसअघि आजै ५७ जनामा कोराना संक्रमण देखिएको छ । अब देशभर कोरोना संक्रमितको संख्या २ सय ८ पुगेको छ । जसमा २ जना पत्रकार र एकजना स्वास्थकर्मी समेत रहेका छन् ।

आजै कपिलबस्तुको तौलिहवामा रहेको तौलिहवा अस्पतालमा कार्यरत २५ बर्र्षकी एक स्वस्थ्यकर्मीमा कोरोना संक्रमण पुष्टि भएको छ । उनी नेपालमा कोरोना लाग्ने पहिलो स्वास्थ्यकर्मी समेत हुन् । यस्तै आजै पर्सामा दुईजना पत्रकारमा समेत कोरोना संक्रमण भएको पुष्टि भै सकेको छ ।

पछिल्लो समयमा लकडाउनको समयमा भारतबाट लुकिछिपी नेपाल आउनेहरुका कारण नेपालको तराईका जिल्लाहरुमा कोरोनाको संक्रमण तीव्र बन्दै गएको छ । हालसम्म ३३ जना उपचारपछि घर फर्केका छन् । तर ती मध्ये ३ जनामा पुनः कोरोना संक्रमण देखिएपछि उनीहरुलाई अस्पताल फिर्ता बोलाएर उपचार थालिएको छ ।