फेरिँदै पर्यटकीय नगरी ठमेलको मुहार (फोटो फिचरसहित)

Best Khabar Team | २०७६ मंशिर ३० गते सोमबार

१७ डिसेम्बर, २०१९
काठमाडौं । वर्षौदेखि विजुली, टेलिफोन, केबललगायतका तारहरुको गुजुल्टोले अस्तव्यस्त देखिँदै आएको काठमाडौंको पर्यटकीय नगरी ठमेल अब सफा देखिने भएको छ । काठमाडौं महानगरपालिका र ठमेल पर्यटन विकास परिषद्को पहलमा ठमेल क्षेत्रमा भएका अव्यवस्थित तारहरुलाई भूमिगत ढंगले व्यवस्थापन गर्ने काम शुरुभएसँगै ठमेलेको मुहार फेरिन लागेको हो ।

त्यसका लागि केही साता अघि ठमेल पर्यटन विभाग परिषद्ले सूचना निकालेर आफ्नो टेलिफोन तथा केवलको तार हटाउन सम्बन्धित घर धनीलाई निर्देशन दिइसकेको थियो । परिषद्ले आइतबारबाट ठमेल क्षेत्रमा रहेका तारहरुलाई काटेर ठमेल क्षेत्रलाई सफा तथा सुन्दर बनाउने अभियान शुरु गरेको छ ।

क्रिसमस, नयाँवर्ष तथा नेपाल भ्रमणवर्ष २०२० लाई मध्यनजर गरेर ठमेल क्षेत्रको अव्यवस्थित तारहरु हटाउने अभियान शुरु भएको परिषद्को भनाई छ । केही महिना भित्रमा तारहरु हटाएर यसलाई भूमिगत रुपमा बिच्छ्याउने काम सम्पन्न हुने परिषद्ले जनाएको छ ।

ठमेल क्षेत्रमा तारहरु हटाईँदाका केही तस्वीरहरु ।

Comment from facebook