बलात्कारको आरोपी फरार पूर्व डिएसपी खिउजु भक्तपुरबाट पक्राउ

Best Khabar Team | २०७६ फाल्गुन २१ गते बुधबार

०४ मार्च, २०२०
भक्तपुर । प्रहरीले बलात्कारको आरोपमा फरार रहेका पूर्व पूर्व प्रहरी नायब उपरीक्षक  (डिएसपी ) राजकुमार खिउजुलाई आज भक्तपुरबाट पक्रेको छ । महानगरीय प्रहरी परिसर जावालाखेलको टोलीले खिउजुलाई आज दिउँसो भक्तपुरको एक घरबाट पक्राउ गरेको हो । प्रहरीले खिउजुको खोजी कार्य जारी राखेपनि उनी फरार थिए ।

तर विशेष सूचनाको आधारमा आज उनलाई नियन्त्रणमा लिइएको प्रहरीले जनाएको छ । २०७५ साल मंसीरमा ललितपुरको चापागाउँमा प्रहरी रिपोर्ट लिन पुगेकी एक युवतीले सहयोग गर्ने बहानामा खिउजुले आफूलाई खाजाघरमा लगेर बलात्कार गरेको र त्यसपछि पनि निरन्तर ६ महिनासम्म डर र प्रलोभन देखाएर बलात्कार गर्दै आएको भन्दै प्रहरीमा उजुरी गरेपछि प्रहरीले उनलाई खोजी गरिरहेको थियो ।

तर ती युवतीले प्रहरीमा उजुरी गर्ने थाहा पाएपछि खिउजुले जागिर राजीनामा गरेका थिए । उनी विरुद्ध महानगरपीय प्रहरी परिसर जावलाखेलमा गएको माघ २२ गते उजुरी परेको थियो। सोही उजुरीको आधारमा प्रहरीले उनलाई खोजी गरिरहेको भएपनि उनी लुक्दै आएका थिए । प्रहरीले क्राउ परेका खिउजुसँग घटनाको विषयमा अनुसन्धान गर्ने जनाएको छ ।

Comment from facebook