दुई सांसदसहित पूर्व प्रहरी महानिरीक्षक विरुद्ध अपहरणको उजुरी दर्ता

Best Khabar Team | २०७६ चैत्र २३ गते आइतबार

०४ मे, २०२०
काठमाडौं । नेपाल प्रहरीका पूर्वप्रहरी महानिरीक्षकसहित बहालवाला दुईजना सांसद विरुद्ध जिल्ला सरकारी वकिलको कार्यालय काठमाण्डौं अपहरण र शरीर बन्धकसम्बन्धी उजुरी दर्ता भएको छ ।

केहीदिन अघि महोत्तरीबाट समाजवादी पार्टीका सांसद डा. सुरेन्द्र यादवलाई जर्वजस्ती अपहरण गरी काठमाडौं ल्याइएको र उनलाई होटलमा बन्धक बनाएर राखिएको भन्दै पूर्व प्रहरी महानिरीक्षक सर्वेन्द्र खनाल, सांसदद्वय महेश बस्नेत र किसान श्रेष्ठका विरुद्ध अपहरणको अरोपमा कारबाहीका लागि सरकारी वकिलको कार्यालयमा उजुरी दर्ता भएको हो ।

उजुरी कर्ता यादवले उजुरीमा अभियुक्तहरुलाई अपहरण तथा शरीर बन्धकसम्बन्धी कसूरमा हदैसम्म कारबाहीको माग गरेका छन् । यसअघि सोही प्रकरणको उजुरी दर्ताका लागि डा. बाबुराम भट्टराईलगायतका नेताहरु प्रहरीकोमा गएको भएपनि प्रहरीले सो उजुरी लिन मानेको थिएन । अब सरकारी वकिलको कार्यालयले आवश्यक कारबाहीको लागि प्रहरी कार्यालयमा पत्राचार गर्नेछ ।

खनाल, बस्नेत र श्रेष्ठ मिलेर आफूलाई जर्वजस्ती काठमाडौं ल्याएको भन्दै पूर्वमन्त्री समेत रहेका यादवले काठमाडौंको एक होटलमा थुनेर राखेको अवस्थामा आफू त्यहाँबाट भागेर ज्यान जोगाएको भन्दै सञ्चारमाध्यममा अन्र्तवार्ता दिँदै आएका छन् । कोरोनाको प्रकोपका बेला भएको लकडाउनकै बीचमा आफूलाई उनीहरुकै निजी गाडीमा हालेर जर्वजस्ती काठमाडौं ल्याइएको सांसद यादवको भनाई छ ।