सार्वजनिक बसमा महिलामाथि यौन हर्कत गर्ने युवक ‘रिक्सा चालक’

Best Khabar Team | २०२६ पुष १७ गते बिहिबार

१४ जनवरी, २०२०
काठमाडौं । करिब एक वर्षअघि काठमाडौंको रत्नपार्कबाट कुलेश्वर क्षेत्रमा चल्ने एउटा सार्वजनिक यातयातमा महिलामाथि अश्लिल यौन हर्कत गर्ने युवक रिक्सा चालक भएको प्रहरीको अनुसन्धानबाट खुलेको छ । गत माघ ११ गते सार्वजनिक यातयातभित्र बसेर महिला सिटको पछाडिबाट हस्तमैथुन गरी वीर्य निकालेर महिलाको कपालमा पारेको भिडियो सार्वजनिक भएपछि प्रहरीले घटनामा संलग्न युवकको खोजी कार्य तीब्र बनाएको थियो ।

यही क्रममा प्रहरीले केहीदिनअघि भारतबाट नेपाल आएका बेला चितवनबाट तनहुँका रविन सार्कीलाई पक्रेको थियो । उनै रविनले सो घटना घटनाएको प्रहरीले जनाएको छ । घटनामा संलग्न सार्की विगत तीन वर्षदेखि काठमाडौंमा रिक्सा चलाउँदै आएका थिए । घटनाका बेलाताका पनि उनी काठमाडौंको नयाँबानेश्वर क्षेत्रमा रिक्सा चलाउँदै आएका थिए । अश्लिल दृश्य समावेश भएको भिडियो युट्वमा राखेमा बढी पैसा कमाउन सकिने कुरा सुनेकोले उनले सो हर्कत गरेको प्रहरी समक्ष सार्कीले बताएका छन् ।

घटनालगत्तै भारत पुगेका उनले त्यही केही समय काम गरेको र त्यहाँबाट करिब १ महिना अघि चितवन आएर त्यही लुक्दै बसेका थिए । सो घटनाको सर्वत्र आलोचना भएपछि प्रहरीले घटनामा संलग्नको खोजी अभियान तीब्र बनाएको थियो ।