देशभर बाढीको ताण्डव, पृथ्वी राजमार्ग पूर्णरुपमा अवरुद्ध, हुम्लामा हिमपहिरोको खतरा बढेको भन्दै स्थानीयलाई सतर्क गराईयो

Best Khabar Team | २०७७ श्रावण ५ गते सोमबार

२० जुलाई, २०२०
काठमाडौं । अविरल वर्षासँगै आएको बाढि पहिरोमा परी देशका विभिन्न जिल्लामा करोडौको भौतिक क्षति भएको छ भने बाढी पहिरोमा परी देशका विभिन्न स्थानमा केही मानिसको ज्यान समेत गएको छ । यस्तै बाढी पहिरोमा परी केही घाइते भएका छन् । विगत ३ दिनदेखि परेको अविरल वर्षाका कारण राजधानी काठमाडौंसहित देशका तराई तथा पहाडी जिल्लाहरुमा ठूलो धनमालको क्षति भएको छ ।

पहिरोले काठमाडौंका दर्जनौ घरहरु डुबानमा परेका छन् । राजधानीको बाग्मती नदि किनारका आएको बाढीले सुकुम्बासी बस्तीमा व्यापक क्षति पु¥याएको छ । बाढीका कारण ती क्षेत्रका बस्तीहरु डुबाएको छ । बाढीका कारण कीर्तिपुर क्षेत्र, भक्तपुरको हनुमन्ते खोला छेउछाउका बस्ती डुबाएको छ । यस्तै पृथ्वी राजमार्गका एकदर्जन बढी स्थानमा पहिरो गएको छ । पहिरोका कारण पृथ्वीराजमार्ग पूर्णरुपमा बन्द भएको छ । यस्तै चितवनमा नारायणी नदीको तह उच्च भएको छ । बाढीका कारण पानीको बहान बढेपछि कोशी व्यारेजका सबै ढोकाहरु खोलिएका छन् ।

पृथ्वी राजमार्गको मलेखु जुँगेखोलामा गएको पहिरोमा परी एक घर पुरिएको छ । बाढीका कारण देशका अधिकांश खोला तथा नदीको सतह उच्च भएको छ । अविरल वर्षात्का कारण हुम्लामा स्थानीय हल्जीगाउँ हिमपहिरोको जोखिमा परेको भन्दै स्थानीयलाई सुरक्षित स्थानतर्फ सार्न अनुरोध गरिएको छ । जल तथा मौसम विज्ञान विभागले आगामी बुधबारसम्म निरन्तर पानी पर्ने जानकारी दिँदै सतर्क रहन अनुरोध गरेको छ ।

Comment from facebook