आगामी अप्रिल १५ (२०७७ बैशाख ३ गते) सम्मका लागि नेपालमा विदेशबाट आउने उडान प्रतिबन्ध

Best Khabar Team | २०२६ पुष १७ गते बिहिबार

२९ मार्च, २०२०
काठमाडौ । सरकारले कोरोना भाइरसको संक्रमण र यसबाट उत्पन्न हुनसक्ने जोखिमलाई मध्यनजर गर्दै विदेशबाट आउने उडानहरुमा थप समयको लागि प्रतिबन्ध लगाउने निर्णय गरेको छ । कोरोना नियन्त्रणसम्बन्धी उच्चस्तरीय समितिको आज बसेको बैठकले आगामी २०७७ साल बैशाख ३ अर्थात् अप्रिल १५ सम्मको लागि विदेशबाट आउने उडानहरुमा प्रतिबन्ध लगाउने निर्णय गरेको हो ।

यसअघि सरकारले चैत्र ३ देखि चैत्र १८ गते मध्यरातसम्मका लागि अन्र्तराष्ट्रिय मुलुकबाट नेपाल आउने सबै यात्रुबाहक विमानहरु उडान प्रतिबन्ध लगाएको थियो । पहिलो पटक लगाईएको प्रतिबन्धको समयसिमा सकिन लाग्दा नेपालमा कोरोना संक्रमितको संख्या बढ्दै गएपछि विदेशबाट आउने विमानको आवागमनमा थप १५ दिन रोक लगाउने निर्णय सरकारले गरेको हो । हालसम्म नेपालमा देखिएका कोरोना संक्रमितलाई आधार मान्दा सबै विदेशबाट विमान हुँदै नेपाल आएकाहरुमा संक्रमण देखिएको छ ।

त्यहि कारणले तत्काल विदेशी मुलुकबाट विमान तथा यात्रुहरु आउन नदिने निर्णय भएको समिति स्रोतको भनाई छ । प्रधानमन्त्री केपी शर्मा ओलीले यसअघि देशबासीको नाममा सम्बोधन गर्दै चैत्र १८ गतेसम्म नेपाल आउने सबै विदेशी उडानमा रोक लगाएको घोषण गरेका थिए ।