कोरोना भाइरसको प्रकोपमा विश्व पर्यटन

Best Khabar Team | २०७७ बैशाख ४ गते बिहिबार


१६ अप्रिल, २०२०
प्रदिप शर्मा काठमाडौं । कोरोना भाइरस (कोभिड १९) को संक्रमणका कारण यतिबेला नेपाललगायत विश्व पर्यटन बजार नराम्ररी प्रभावित बनेको छ । नेपालमा पर्यटक आउने पर्यटकहरुको संख्यालाई आधार बनाउँदा पर्यटक आउने उर्भर समयको रुपमा फागुनदेखि जेठसम्मको समयावधिलाई मानिन्छ ।

तर यो वर्ष सन् २०२० को शुरुवातदेखि नै नेपालमा २० लाख पर्यटक ल्याउने लक्ष्यसहित पर्यटन वर्ष पनि घोषणा भएको थियो । तामझामका साथ शुरु भएको पर्यटन वर्षले शुरुवातमा राम्रै सम्भावना देखाएको भएपनि विश्वव्यापीरुपमा फैलिएको कोरोना भाइरसको महामारीका कारण नेपालमा यो वर्ष पर्यटकहरुको आवागमन सून्यप्रायः भएको छ । जनवरी र फेब्रुअरीमा नेपालमा करिब १० हजार पर्यटक नेपाल आएको भएपनि फेब्रुअरीको दोश्रो सातादेखि कोरोनाको प्रकोप विश्वव्यापी बन्न थालेपनि नेपालमा पर्यटकहरु आउन छाडेका हुन् ।

हजारौं पर्यटकले नेपाल आउन गरेका योजनाहरु क्यान्सिल गरेका छन् । यो वर्ष नेपालमा कोरोनाका कारण पर्यटकमुखी व्यवसायहरु नराम्ररी घाटामा गएका छन् । बैंकबाट चर्को ब्याज लिएर सञ्चालन गरिएको होटल, रिसोर्ट तथा अन्य पर्यटन क्षेत्रसँग सम्बन्धित व्यवसायले यतिबेला दैनिक लाखौंको नोक्सानी बेहोर्नुपरेको छ । जसका कारण भोलिका दिनमा यो क्षेत्रमा लागेका व्यवसायीमाथि उठ्नका लागि ठूलै संघर्ष गर्नुपर्ने देखिएको छ । अहिलेसम्म बैंकले ऋण मिनाह गर्ने कुनै कार्यक्रमहरु अघि सारेको छैन भने सरकारले पनि बैंक र व्यवसायीहरुको हितमा खासै प्रभावकारी कार्ययोजना अघि सारेको छैन ।

त्यसका कारण व्यवासायीहरु अन्यौलमा छन् । युरोप, अमेरिका, चीन, भारतजस्ता देशमा कोरोनाको संक्रमणले भयाबह रुप लिएका कारण भोलिका दिनमा ती देशहरुमा कोरोना साम्य नहुञ्जेल नेपालमा पर्यटक आउने सम्भावना न्यून समेत छ । स्वदेशी पर्यटकबाट धानिएका प्राय सबै होटल तथा रेस्टुरेन्ट लकडाउनको मारमा छन् । नेपालमा भारत र चीनबाट सबैभन्दा बढी पर्यटक नेपाल आउने गरेको तथ्यांकले देखाउँछ । भारतबाट आउने धार्मिक पर्यटकहरुले नेपालको पर्यटनको ठूलो हिस्सा ओगटेको भएपनि भारतमा पनि कोरोनाको प्रकोप तीव्र बन्दै गएका कारण यो वर्ष भारतबाट नेपालमा पर्यटक आउने सम्भावना एकदमै न्यून छ । कोरोनाको कहर कहिलेसम्म लम्बिन्छ भन्ने केही स्पष्ट भै सकेको छैन ।

युरोप र अमेकिका जस्ता वर्षमा लाखौं पर्यटकको चहलपहल हुने देशहरु पनि अहिले सुनसान छन् । युरोपका इटली, फ्रान्स, बेल्जियम, नेदरल्याण्ड, पोर्चुगलजस्ता पर्यटकीय देशहरुमा यतिबेला कोरोना भाइरस महामारीको रुपमा फैलिएको छ । जसका कारण ती देशको पर्यटन क्षेत्र पनि नराम्ररी प्रभावित बनेका छन् । ती देशहरुमा पनि यतिबेला नाकाबन्दी र अन्तराष्ट्रिय उडान प्रभावित छन् ।

अवस्था सामान्य बन्न अझै केही महिना लाग्ने भन्दै युरोपका अधिकांश देशले यो वर्ष पर्यटकको आवागमन सून्य हुने अनुमान गरेका छन् । विश्व बजारमा कोरोनाको कहर र त्यसबाट बाध्यकारी बनेको लकडाउनका कारण दैनिक जनजीवन प्रभावित मात्र भएको छैन, भोलिका दिनमा यी मुलुकमा ठूलो आर्थिक संकट निम्तने खतरापनि उत्तिकै छ । युरोप र अमेरिकामा भोलिका दिनमा पर्नसक्ने संकटलाई मध्यनजर गर्दै सरकारले आम नागरिकका लागि विशेष व्यवस्था समेत गरिसकेको छ ।

तर नेपालजस्तो विकसोन्मुख देशमा बस्ने नागरिक र उनीहरुको सुरक्षालाई ध्यानमा राखेर सरकारले तत्काल प्रभावकारी कदम चाल्नुपर्ने देखिन्छ ।



Comment from facebook



थप खबर पढ्नुहोस्
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित

२०८२ बैशाख १५ गते सोमबार

२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...

दक्षिण अफ्रिकी युवतीलाई पहिलो पटक विश्वसुन्दरीको उपाधी : जोजिविनी बनिन् मिस युनिर्भस दक्षिण अफ्रिकी युवतीलाई पहिलो पटक विश्वसुन्दरीको उपाधी : जोजिविनी बनिन् मिस युनिर्भस

२०७६ मंशिर २४ गते मंगलबार

१० डिसेम्बर, २०१९ काठमाडौं । दक्षिण अफ्रिकाकी युवती जोजिविनी...

स्वर्गद्वारी महाप्रभु ! स्वर्गद्वारी महाप्रभु !

२०७७ माघ २८ गते बुधबार

– तेजनिधि पौडेल वि.सं. १९१६ वर्षा ऋतु श्रावण शुक्ल...

सरकारले भन्यो : कुलमान घिसिङ्लाई  प्राधिकरणको कार्यकारी निर्देशकमा  निरन्तरता दिने विषयमा कुनै निर्णय भएको छैन सरकारले भन्यो : कुलमान घिसिङ्लाई प्राधिकरणको कार्यकारी निर्देशकमा निरन्तरता दिने विषयमा कुनै निर्णय भएको छैन

२०७७ भाद्र ११ गते बिहिबार

२७ अगस्ट, २०२०काठमाडौं । सरकारले नेपाल विद्यूत् प्राधिकरणको कार्यकारी...

काठमाडौं उपत्यकामा ५ सहित देशभर थपिए २७ संक्रमित, कुल संक्रमितको संख्या ४०२ पुग्यो, ३६ जिल्ला प्रभावित काठमाडौं उपत्यकामा ५ सहित देशभर थपिए २७ संक्रमित, कुल संक्रमितको संख्या ४०२ पुग्यो, ३६ जिल्ला प्रभावित

२०७७ जेठ ६ गते मंगलबार

१९ मे, २०२०काठमाडौं । काठमाडौं उपत्यका भित्र रहेका काठमाडौं,...

Top