जुम्ला र स्याङ्जाका ४ जनासहित थपिए ९० संक्रमित, देशभर संक्रमितको संख्या ७७२ पुग्यो

Best Khabar Team | २०७७ जेठ १३ गते मंगलबार

२६ मे, २०२०
काठमाडौं । जुम्लाका २ र स्याङ्गजाका २ जनासहित देशका विभिन्न जिल्लामा गरी थप ९० जनामा कोरोना संक्रमण देखिएको छ । स्वास्थ्य मन्त्रालयले दिएको जानकारी अनुसार जुम्ला जिल्ला घर भएका २ जनामा कोरोना संक्रमण देखिएको छ ।

यद्यपि उनीहरु बारा जिल्लामा कार्यरत रहेको बताइएको छ । मन्त्रालयले आज नियमित पत्रकार सम्मेलन गरी दिएको जानकारी अनुसार सुर्खेतमा १२, स्याङ्गजामा २, महोत्तरीमा २, बाराका ३, रौतहटका २२, सिरहाका ५, धनुषाका १, बाँकेका ८, कपिलवस्तुका २६, अर्घाखाँचीका २, गुल्मीका २, रूपन्देहीका १, कैलालीका १, अछामका १ जनामा कोरोना संक्रमण देखिएको हो । संक्रमिमध्ये ३ जना बालबालिका रहेका छन् ।

मन्त्रालयका अनुसार अहिलेसम्म देशभर कोरोना संक्रमितको संख्या ७ सय ७२ पुगेको छ । देशभर १ सय ५५ जनाले कोरोनालाई जितेर घर फर्केका छन् भने ४ जनाको कोरोनाको कारण निधन भएको पुष्टि मन्त्रालयले गरेको छ ।