केही सरकारी कार्यालय सातै दिन खोल्ने सरकारको निर्णय

Best Khabar Team | २०२६ पुष १७ गते बिहिबार

२७ फेब्रुअरी, २०२३
काठमाडौं । सरकारले सेवाग्राहीको चापलाई मध्यनजर गर्दै देशभरका केही सरकारी कार्यालयहरु सातैदिन खोल्ने निर्णय गरेको छ । नेपाल सरकार मन्त्रीपरिषद्को आज बसेको बैठकले मालपोत कार्यालय, राहदानी विभाग, जिल्ला प्रशासन कार्यालयलगायतका सरकारी कार्यालय सातैदिन खोलेर सेवा प्रवाह गर्ने निर्णय गरेको हो ।

**फाइल तस्वीर : प्रधानमन्त्री तथा मन्त्रीपरिषद्को कार्यालय**

यी सरकारी कार्यालयहरुमा पछिल्ला दिनहरुमा सेवाग्राहीहरुको संख्या ह्वात्तै बढेपछि उनीहरुको समस्यालाई मध्यनजर गर्दै तत्कालका यी सरकारी कार्यालय खोलेर सेवा प्रवाहलाई निरन्तरता दिने निर्णय गरेको मन्त्रीपरिषद् कार्यालय स्रोतले जानकारी दिएको छ । विदाको दिन काम गर्ने सरकारी कर्मचारीलाई कसरी व्यवस्थापन गर्ने वा उनीहरुलाई बढी पारिश्रमिक दिएर काममा लगाउने भन्ने विषयमा भने सरकारले छिट्टै निर्णय गर्ने मन्त्रीपरिषद् स्रोतले जानकारी दिएको छ । सरकारी कार्यालयहरुमा सेवाग्राहीको चाप बढ्न थालेको र घण्टौं लाईनमा बस्दा समेत सेवा पाउन नपाएको गुनासो बढ्न थालेपछि सरकारले यो निर्णय गरेको हो ।

सरकारले सरकारी विदाको दिन तथा शनिबारसमेत भीडभाड हुने कार्यालयलाई खुल्ला राखेर सेवा प्रवाहलाई निरन्तरता दिन लागेसँगै सेवाग्राहीहरुले खुसी व्यक्ति गरेका छन् ।