५ तस्वीरमा हेर्नुहोस् मंगल ग्रहको जमिन,नदि तथा ढुंगाहरू (पहिलो पटक रेकर्ड गरिएको आवाज सहित)

Best Khabar Team | २०७७ फाल्गुन १३ गते बिहिबार

अमेरिकी अन्तरिक्ष एजेन्सी (नासा)ले मंगलग्रहमा हालै पठाएको एउटा अन्तरिक्ष यानमा जडान गरिएको अत्याधुनिक क्यामेराले केही उच्चस्तरीय तस्वीरहरु कैद गरेर पृथ्वीमा पठाएको छ । नासाले पठाएको अन्तरिक्ष यान ३ दिनअघि मंगलग्रहको सतहमा सकुशल अवतरण भएको भन्दै नासाले सो क्रममा खिचिएका तस्वीर, भिडियो तथा अडियो पनि हालै सार्वजनिक गरेको छ ।

**तस्वीरहरु साभार : नासाको आधिकारिक बेससाईट ।**

पर्सिएभरेन्स रोभर नाम दिएको अन्तरिक्ष यानमा जोडिएको उच्च प्रविधियुक्त क्यामेराले मंगलग्रहको जमिनमा खिचेका केही तस्वीरहरु नासाले केही घण्टाअघि सार्वजनिक गरेको छ । विशेष त पहिलो पटक मंगलग्रहको सतहमा खिचिएका उच्च गुणस्तरीय (हाइ क्वालिटी) तथा ३ सय ६० डिग्रीमा खिचिएका तस्वीरहरु नासाले सार्वजनिक गरेको छ ।

सार्वजनिक गरिएको तस्वीरमा मंगलग्रहमा रहेका चट्टान तथा नदिहरुलाई समेत स्पष्ट रुपमा देख्न सकिन्छ । पृथ्वी बाहिर मानवको बस्ती सम्भव छ छैन भन्ने विषयमा अध्ययनका लागि नासाले मंगललगायतका कतिपय ग्रहहरुमा भूउपग्रह पठाएर नियमित रुपमा अध्ययन तथा अनुसन्धान गर्दै आइरहेको छ ।

यही क्रममा नासाले केही महिना अघि चन्द्रमामा मानबसहितको यान पठाएको थियो । पछिल्लो पटक मंगलग्रहमा आफ्नो अन्तरिक्ष यान पठाएको नासाले अभियान अत्यन्तै सफल भएको भन्दै मंगलग्रहको सतहको आवाजसमेत रेकर्ड गरेर सार्वजनिक गरेको छ । यहाँ प्रस्तुत तस्वीरहरु हामीले नासाको बेबसाईटबाट लिएका हौं ।