भागरथीको हत्यारा को ?

Best Khabar Team | २०७७ माघ २६ गते सोमबार

०८ फेब्रुअरी, २०२१
बैतडी–बिकट पहाडी जिल्ला बैतडीकी एक किशोरीको माघ २२ गते साँझ आफ्नै घर छेउमा रहेको जंगलमा शव भेटियो । माघ २१ गते दिउँसोदेखि बेपत्ता भएकी भागरथी भट्टको भोलिपल्ट साँझ घर नजिकै रहेको जंगलमा शव भेटिएपछि उनको परिवार शोकमा डुब्यो, सिँगो गाउँ नै स्तब्भ भयो । दोगडाकेदार गाउँपालिका–७ चडेपानीकी १७ वर्षकी भट्ट २१ गते बिहान सदा झै विद्यालय (उच्चमावि) मा पढ्नका लागि गएकी थिएन् तर दिउँसो विद्यालयबाट फर्केलगत्तै उनी बाटैबाट वेपत्ता भइन् ।

उनका परिवार तथा आफन्तले उनको रातभर र भोलिपल्ट दिनभर खोजी गरेपनि २२ गते साँझ उनलाई लबलेकको जंगल मृत अवस्थामा फेला पारियो । क्याम्पसबाट फर्केकी भट्टराई कसले र किन के कारणले हत्या ग-यो भन्ने तथ्य खुल्न सकेको छैन । तर उनको शव भेटिएको घटनास्थलमा भेटिएको मोबाइल, शवको फरेन्सिक परीक्षणलगायतबाट हालसम्म प्राप्त भएको प्रमाण अनुसार उनको बलात्कार पछि हत्या भएको निष्कर्ष नजिक प्रहरी पुगेको छ ।

तर उनको बलात्कारमा को संलग्न थियो भन्ने विषयमा अहिले प्रहरीले उनको सामाजिक सञ्जाल तथा मोबाइल फोनको ‘हिस्ट्री’को सुक्ष्म ढंगले अध्ययन गरिरहेको जनाएको छ । राष्ट्रिय विधि विज्ञान प्रयोगशाला काठमाडौंले हाल उनको ‘भेजाईनल स्वाब’को परीक्षण अघि बढाएको छ । भागरथीलाई नजिकबाट चिन्ने छिमेकी तथा साथीभाईहरुले उनको कुनै सत्रु नभएको तथा उनी असल र इमान्दार किशोरी भएको बताउँदै आएका छन् ।

“तर उनको बलात्कारमा को संलग्न थियो भन्ने विषयमा अहिले प्रहरीले उनको सामाजिक सञ्जाल तथा मोबाइल फोनको ‘हिस्ट्री’को सुक्ष्म ढंगले अध्ययन गरिरहेको जनाएको छ । राष्ट्रिय विधि विज्ञान प्रयोगशाला काठमाडौंले हाल उनको ‘भेजाईनल स्वाब’को परीक्षण अघि बढाएको छ ।’’

केहीदिन अघिमात्रै भागिरथीको बुबाको मृत्यु भएको थियो । जसका कारण उनी झण्डै २ साता पछिमात्रै पुनः विद्यालय आएकी थिइन् । अहिले घटनामा संलग्नलाई कारबाहीको मागगर्दै बैतडीका विभिन्न संघ संस्थाले स्थानीय प्रशासनदेखि प्रदेश सरकारलाई दबाव दिँदै आएका छन् । प्रहरीले घटनाको सत्यतथ्य पत्तालगाई दोषीमाथि कारबाही गर्ने प्रतिबद्धता जनाउँदै आएको छ ।

पछिल्ला दिनहरुमा निरन्तररुपमा बलात्कार र हत्याका घटना बढी रहेपनि दोषी पत्ता लगाउन नसक्दा आम सर्वसाधारण भने त्रसित बन्दै आएका छन् ।