पर्वतमा कोरोना : ८ जना निको भएर घर फर्के, ५ नयाँ संक्रमित थपिए

Best Khabar Team | २०२६ पुष १७ गते बिहिबार


१८ जुन, २०२०
फलेबास, पर्वत । गण्डकी प्रदेश अन्र्तगतको पर्वत जिल्लामा आज ८ जनाले कोरोनालाई जितेका छन् । यस्तै आजै नयाँ थप ५ जनामा कोरोना संक्रमण देखिएको छ । गण्डकी प्रदेशको सामाजिक विकास मन्त्रालयले दिएको जानकारी अनुसार जिल्लाको फलेबास र कुस्मा नगरपालिकाका दुई/दुई जना र मोदी गाउँ पालिकाका थप १ जना गरी थप ५ जनामा कोरोना संक्रमण पुष्टि भएको हो ।

मन्त्रालयका अनुसार फलेबास नगरपालिका वडा नम्बर २ का ३७ र ३० वर्षका पुरुष तथा कुस्मा नगरपालिकाकाका एक पुरुष तथा एक महिलामा कोरोना संक्रमण देखिएको हो । चितवनको भरतपुरमा गरिएको परीक्षणका क्रममा उनीहरुमा कोरोना संक्रमण पुष्टि भएको मन्त्रालयले जनाएको छ । यता मोदी गाउँपालिकाका ३९ वर्षका एक पुरुषमा पनि कोरोना संक्रमण देखिएको छ । संक्रमित सबैलाई सदरमुकामस्थित क्वारेन्टाइन र आइसोलेसनमा चिकित्सकको निगरानीमा राखेर उपचार अघि बढाइएको छ ।

यस्तै १४ दिनअघि कोरोना संक्रमण देखिएका फलेबास र कुर्घाका २ जना कोरोना संक्रमण मुक्त भएका हुन् । गण्डकी प्रदेशको सामाजिक विकास मन्त्रालयले दिएको जानकारी अनुसार पर्वतकै महाशिला गाउँपालिकाका २ जना र फलेबास नवरपालिकाका २ जना एवं बिहादीका १ जनामा गरिएको पछिल्लो कोरोना संक्रमणको रिपोर्ट नेगेटिभ आएपछि उनीहरुलाई अस्पतालले डिस्चार्ज गरिदिएको हो ।

उनीहरुलाई अब जिल्लामा रहेको क्वारेन्टाइनबाट गाउँपालिकाको क्वारेन्टाइनमा पठाउने तयारी भएको छ । पर्वतमा हालसम्म कोरोना संक्रमितको संख्या ३८ पुगेको छ । संक्रमितमध्ये ४ महिला र ३४ जना पुरुष छन् ।



Comment from facebook



थप खबर पढ्नुहोस्
नेपाल भ्रमण वर्ष २०२० शुरु : भव्य कार्यक्रमकाबीच औपचारिक घोषणा हुँदै नेपाल भ्रमण वर्ष २०२० शुरु : भव्य कार्यक्रमकाबीच औपचारिक घोषणा हुँदै

२०७६ पुष १६ गते बुधबार

०१ जनवरी, २०२० काठमाडौं । बहुप्रतिक्षित नेपाल भ्रमणवर्ष २०२०...

वीरगञ्जमा थप ३ जनामा कोरोना संक्रमण, संक्रमितको संख्या १२ पुग्यो वीरगञ्जमा थप ३ जनामा कोरोना संक्रमण, संक्रमितको संख्या १२ पुग्यो

२०७७ मंशिर १९ गते शुक्रबार

१२ अप्रिल, २०२० काठमाडौं । नेपालमा थप ३ जनामा...

म्यानमारमा सैन्य दमन हिंसात्मक बन्दै : ज्यान जोगाउन हजारौं जनता थाइल्याण्डतर्फ भागे म्यानमारमा सैन्य दमन हिंसात्मक बन्दै : ज्यान जोगाउन हजारौं जनता थाइल्याण्डतर्फ भागे

२०२६ पुष १७ गते बिहिबार

२९ मार्च, २०२१बैंकक, थाइल्याण्ड । म्यानमारमा गएको फेब्रुअरी १...

पोखराको पश्चिमाञ्चल क्षेत्रीय अस्पतालमा एमआर आई सेवा शुरु पोखराको पश्चिमाञ्चल क्षेत्रीय अस्पतालमा एमआर आई सेवा शुरु

२०२६ पुष १७ गते बिहिबार

२६ मार्च, २०१९ पोखरा । पोखरा स्वास्थ्य विज्ञान प्रतिण्ठान...

Top