काठमाडौं र भक्तपुरका ३ जनामा कोरोना देखियो, देशभर आजमात्रै ८२ जनामा कोरोना संक्रमण, कुल संक्रमितको संख्या २१७ पुग्यो

Best Khabar Team | २०७७ मंशिर २० गते शनिबार

१२ मे, २०२०
काठमाडौं । देशका विभिन्न स्थानमा आज बिहानैदेखि कोरोना संक्रमितहरुको संख्या बढ्ने क्रम जारी छ । यही क्रममा नेपाल सरकारले राति सवा १० बजे जारी गरेको तथ्यांक अनुसार थप २६ जनामा कोरोना संक्रमण देखिएको छ । थपिएका २६ जनामध्ये पर्सा, धनुषा, भक्तपुर, काठमाडौं र सर्लाही जिल्लाका संक्रमितहरु रहेका छन् । स्वास्थ्य मन्त्रालयले जारी गरेको विज्ञप्ति अनुसार पछिल्लो पटक थप भएका २६ जना संक्रमितहरु यस प्रकार रहेका छन्

१) काठमाडौंकी ३३ वर्षकी महिला
२) भक्तपुरकी २५ वर्षकी महिला, २७ वर्षका पुरुष
३) सर्लाहीका ४५ वर्षका पुरुष
४) महोत्तरीमा १६ र ३५ वर्षका दुई पुरुष
५) पर्सामा २२ देखि ६० वर्ष उमेर समूहका ६ जना महिला साथै १६ देखि ६१ वर्ष उमेर समूहका १२ जना पुरुष

संक्रमित सबैको अवस्था सामान्य रहेको र उनीहरुको सम्बन्धित जिल्लाको कोरोना आइसोलेसनमा राखेर उपचार थालिएको छ । यो सँगै देशभर कोरोना संक्रमितको संख्या २ सय १७ पुगेको छ । यसअघि आजै बिहान ५७ जना नयाँ विरामी थपिएका थिए ।

टेकुस्थित राष्ट्रिय जनस्वास्थ्य प्रयोगशालामा गरिएको परीक्षणबाट उनीहरुका कोरोना संक्रमण पुष्टि भएको मन्त्रालयले जारी गरेको विज्ञप्तिमा उल्लेख छ । हालसम्म ३३ जना उपचारपछि घर फर्केका छन् । ती मध्ये ३ जनामा पुनः कोरोना संक्रमण देखिएपछि उनीहरुलाई फेरि अस्पतालमा राखेर उपचार थालिएको छ ।