hi himalaya nepal

सबै अन्तर्राष्ट्रिय उडान खोल्ने सरकारको निर्णय

Best Khabar Team | २०७७ मंशिर १५ गते सोमबार


३० नोभेम्बर, २०२०
काठमाडौं । सरकारले छिमेकी मुलुक भारतसहित नेपालसँग हवाई सम्बध जोडिएका सबै देशबाट हुने अन्तर्राष्ट्रिय उडानलाई पुर्ववत रुपमा उडान भर्न अनुमति दिने निर्णय गरेको छ । नेपाल सरकार मन्त्रीपरिषदको बैठकले गरेको यो निर्णयसँगै अब छिमेकी मुलुक भारतलगायतका देशबाट नेपालमा हुने सबै अन्तराष्टिय उडानहरु नियमित हुने भएको छ ।

यद्यपि कतिपय देशले ती देशमा कोरोना संक्रमण विद्यमान रहेका कारण तत्काल नेपालका लागि नियमित उडान भर्ने सम्भावना भने रहेको छैन । यात्रु संख्याको अभाव र कोरोना संक्रमणको जोखिमलगायतका कारण कतिपयदेशले तत्काल नेपालमा नियमित उडान सञ्चालन गर्न नसकिने विषयमा नेपाल नागरिक प्राधिकरण र पर्यटन मन्त्रालयमाफर्लत् नेपाल सरकारलाई जानकारी गराईसकेको बताइएको छ ।

कोराना भाइरसको संक्रमणका कारण सरकारले गएको चैत्र पहिलोसातादेखि छिमेकी मुलुक भारतलगायत विश्वका विभिन्न मुलकबाट नेपालमा हुने अन्तर्राष्ट्रिय उडान तत्कालका लागि रोक्ने निर्णय गरेको थियो । तत्कालीन अवस्थामा देशभर भएको लकडाउनका कारण बन्द गरिएको विदेशी उडान मध्ये गएको भदौ १६ गतेदेखि विभिन्न देशबाट हुने उडानहरुलाई आंशिक रुपमा खुल्ला गर्ने निर्णय गरेको थियो ।

सरकारको सो निर्णयसँगै केही देशले कडा मापदण्डलाई पालना गर्दै नेपालमा उडान भरिरहेका थिए । सरकारको हालैको यो निर्णयपछि भने अब नेपालमा अन्र्तराष्ट्रिय उडान अनुमति पाएका सबै देशको अन्र्तराष्ट्रिय विमानले अब नियमत अनुसार नेपालमा उडान भर्न पाउने भएका छन् ।

फाइल फोटो

प्राधिकरणका अनुसार अहिलेसम्म विश्वका करिब डेढ दर्जन मुलुकका २ दर्जन बढी स्थानबाट नेपालका लागि व्यवसायिक उडानका लागि अन्र्तराष्ट्रिय उडान कम्पनीहरुले अनुमति लिएका छन् । यसरी उडान भर्ने विमानबाट नेपाल आउने विदेशी पर्यटकहरुलाई भने १ साता अनिवार्य रुपमा होटल आइसोलेसन बस्नुपर्ने व्यवस्था सरकारले गरेको छ । कोरोना भाइरसको कारण अन्र्तराष्ट्रिय उडानहरु सञ्चालन नहुँदा नेपाल आउने विदेशी पर्यटकको संख्या सुन्य प्राय भएको छ । जसका कारण नेपालको पर्यटन उद्योग धरासायी बनेको छ ।

पर्यटन व्यवसायीहरुले यसअघि नै सरकारलाई निश्चित मापदण्ड पुरा गरेर अन्तर्राष्ट्रिय उडान सञ्चालनका लागि अनुरोध गरेको भएपनि सरकारले हालै मात्रै अन्तर्राष्ट्रिय उडान सूचारु गर्ने निर्णय गरेको हो ।



Comment from facebook



थप खबर पढ्नुहोस्
पोखरामा उपचाररत स्याङ्जाका एक पुरुषको कोरोना संक्रमणबाट मृत्यु पोखरामा उपचाररत स्याङ्जाका एक पुरुषको कोरोना संक्रमणबाट मृत्यु

२०७७ असार ११ गते बिहिबार

२५ जुन, २०२०लेकसाइड, पोखरा । स्याङ्जाको सिरुबारी घर भएका...

क्यान्सरले लग्यो बलिउड अभिनेता इरफानलाई क्यान्सरले लग्यो बलिउड अभिनेता इरफानलाई

२०७७ बैशाख १७ गते बुधबार

२९ अप्रिल, २०२०नयाँदिल्ली । चर्चित बलिउड तथा हलिउड अभिनेता...

पर्वतको पहिरो अपडेट : मृतकको संख्या ८ पुग्यो, १ अझै वेपत्ता पर्वतको पहिरो अपडेट : मृतकको संख्या ८ पुग्यो, १ अझै वेपत्ता

२०७७ जेठ ३२ गते आइतबार

१४ जुन, २०२०फलेबास, पर्वत । पर्वतको सदरमुकाम कुस्मा नजिकैको...

पशुपतिनाथको मन्दिर अबदेखि साँझसम्मै खुल्ने पशुपतिनाथको मन्दिर अबदेखि साँझसम्मै खुल्ने

२०७७ फाल्गुन १६ गते आइतबार

२८ फेब्रुअरी, २०२१काठमाडौं । समस्त हिन्दु धर्मावलम्बीहरुको आस्थाको केन्द्र...

Top