होटल बन्द भएपछि हायात होटलका मजदुर संगठनले आन्दोलन सबै कार्यक्रम फिर्ता लिए

Best Khabar Team | २०७६ असार ५ गते बिहिबार

२०, जुन, २०१९
काठमाडौं । होटल प्रशासनले होटल बन्द गरेको घोषणा गरेपछि आन्दोलन कर्मचारी संगठनले काठमाडौंको होटल हायात रिजेन्सीमा जारी आन्दोलनका कार्यक्रम फिर्ता लिएको घोषणा गरेका छन् । विभिन्न विषयमा होटल प्रशासन र मजदुर संगठनबीच विमति भएपछि करिब २ सातादेखि प्रशासनले होटल बन्द भएको घोषण गरेको थियो ।

यसका साथै होटलमा आएका पाहुनाहरुलाई पनि अन्य होटल पु¥याएको थियो । मजदुर संगठनले विभिन्न माग राख्दै आन्दोलन गरेपछि बाध्य भएर होटल बन्द गर्नुपरेको होटलको दाबी छ । तर प्रशासनले होटल नै बन्द गरेपछि मजदुर संगठनले हिजोबाट लागू हुने गरी आन्दोलनका सबै कार्यक्रम फिर्ता लिएको घोषणा गरेको छ । तर आन्दोलन फिर्ता भएपनि होटल भने खुल्न सकेको छैन ।

आन्दोलन फिर्ता गरेर काममा फर्किएका मजदुरहरु होटलको मुल ढोकामा लागेको ताला प्रशासनले नखोलेपछि त्यत्तिकै फर्किएका छन् । मजदुर संगठनले अनावश्यक माग राखी आन्दोलन गरेकाले बाध्य भएर होटल बन्द गर्नुपरेको होटल प्रशासनको भनाई छ । तर होटल प्रशासनले भन्दै सरसफाईको काम नसकिएको भन्दै होटल छिट्टै खुल्ने संकेत दिएको छ ।