काठमाडौं छिर्ने सबै नाकामा विशेष कडाई, अत्यावश्यकबाहेक अरुलाई प्रवेश निधेष

Best Khabar Team | २०७७ बैशाख २३ गते मंगलबार


०५ मे, २०२०
काठमाडौं । सरकारले काठमाडौं उपत्यका प्रवेश गर्ने ६ वटै नाकामा विशेष कडाई शुरु गरेको छ । कोरोना भाइरसको संक्रमण बढ्न नदिन सरकारले काठमाडौं उपत्यका छिर्ने ६ वटा नाकामा कडाई गरेको हो । यसका लागि उपत्यका छिर्ने नाकामा थप सुरक्षाकर्मी राखेर चेकजाँच तीव्र पारिएको छ । सरकारी स्रोतका अनुसार विरामी बोकेर आएका एम्बुलेन्स, अति आवश्यक कामका लागि काठमाडौं आएका बाहेक अरु कसैले पनि पास लिएरै पनि काठमाडौं प्रवेश गर्न नपाउने भएका छन् ।

लकडाउन जारी रहेको अहिलको अवस्थामा सरकारले अत्यावश्यक अत्यावश्यक कामको विभिन्न तह निर्धारण गरेको छ । विगतमा राजनीतिक दल र पावरको चरम दुरुपयोग गरी सवारी पास लिएकाहरुले सोही पास लिएर काठमाडौं छिर्ने क्रम तीब्र पारेपछि सरकारले यो निर्णय गरेको हो । यस्तै कतिपयले स्थानीय तहबाट सवारी पास लिएर काठमाडौं छिर्न थालेपछि सरकारले सुरक्षाकर्मीलाई विशेष सतर्क रहन र राम्रोसँग चेकजाँच गरेर मात्रै उनीहरुलाई आवश्यक भएमात्रै काठमाडौं प्रवेश गर्न दिने निर्णय गरेको हो । यो सँगै अब अत्यावश्यक कामले काठमाडौं आएका र अत्यावश्यक सेवा प्रवाह गर्ने गाडीहरु प्रवेश गर्न पाउने भएका छन् ।

तराईका जिल्लाहरुमा कोरोना भाइरसको संक्रमण बढ्न थालेपछि अहिले विभिन्न समूह गाडी रिर्जभ गरेर काठमाडौं आउने क्रम बढेपछि सम्भावित जोखिम बढ्न नदिन सरकारले यो निर्णय गरेको हो । विशेष गरी काठमाडौं छिर्ने नागढुंगा, मुड्खु, फर्पिङ्ग दक्षिणकाली, शिवपुरी, साँगा, जहरसिंहपौवा, र कात्तिके नाकामा विशेष सुरक्षा सावधानी अपनाईएको सरकारको भनाई छ । आज प्रधानमन्त्रीको सरकारी निवास बालुवाटारमा बसेको कोरोना नियन्त्रण उच्चस्तरीय समितिको बैठकमा नाका कडाई नगरिए र पास बोकेका सबै सवारी साधनलाई काठमाडौं छिर्न दिए जोखिम बढ्ने भन्दै यसलाई कडाई गर्नुपर्ने माग उठेको थियो ।

समितिको बैठकलगत्तै सरकारले यस विषयमा सुरक्षाकमीको ध्यानाकर्षण गराएको बुझिएको छ । केहीदिन अघि जनकपुर, बारालगायतका जिल्लाबाट गाडी रिजर्भ गरेर मानिसहरु काठमाडौं आएसँगै कोरोना फैलनसक्ने सम्भावित जोखिमलाई देखेर सरकारले यो निर्देशन दिएको हो । कतिपय गाडीहरुलाई प्रहरीलेले नाकाबाटै फकाईदिएको थियो ।



Comment from facebook



थप खबर पढ्नुहोस्
हामीलाई घरमै भेटेर फर्कियो कोरोना * हामीलाई घरमै भेटेर फर्कियो कोरोना *

२०७६ पुष २४ गते बिहिबार

–शिव लामिछानेसन् २०२० को सुरुदेखि नै नोभेल कोरोना भाइरसले...

कोरोना संक्रमित मध्ये थप दुईजना डिस्चार्ज, ७ जनाले कोरोनालाई जिते कोरोना संक्रमित मध्ये थप दुईजना डिस्चार्ज, ७ जनाले कोरोनालाई जिते

२०२६ पुष १७ गते बिहिबार

२२ अप्रिल, २०२०कञ्चनपुर । कोरोना संक्रमित भै अस्पतालमा उपचाररत...

आप्रबासी लिएर अबैधरुपमा युरोप आउँदै गरेको पानीजहाज दुर्घटना, कम्तीमा ७३ को मृत्यु आप्रबासी लिएर अबैधरुपमा युरोप आउँदै गरेको पानीजहाज दुर्घटना, कम्तीमा ७३ को मृत्यु

२०२६ पुष १७ गते बिहिबार

१५ फेब्रुअरी, २०२३ लिंकरोभर, बेल्जियम । अबैध आप्रबासीलाई अबैध...

काँग्रेस नेता जोशीको अवस्था ‘गम्भीर’, भेन्टिलेटरमा राखेर उपचार गरिँदै काँग्रेस नेता जोशीको अवस्था ‘गम्भीर’, भेन्टिलेटरमा राखेर उपचार गरिँदै

२०२६ पुष १७ गते बिहिबार

२६ फेब्रुअरी, २०२१काठमाडौं । पूर्वमन्त्री एवं नेपाली काँग्रेसका नेता...

Top