पर्सामा थप २ कोरोना संक्रमितको मृत्यु, जिल्लामा कोरोनाबाट ज्यान गुमाउनेको संख्या ३१ पुग्यो

Best Khabar Team | २०२६ पुष १७ गते बिहिबार

२२ अगस्ट, २०२०
वीरगञ्ज, पर्सा । पर्सामा कारोना संक्रमितमध्ये थप २ जनाको ज्यान गएको छ । वीरगञ्जको विशेष कोरोना अस्थायी अस्पतालमा उपचारका क्रममा उनीहरुको गएराति र आज बिहान मृत्यु भएको अस्पतालले जनाएको छ ।

जिल्लाको बहुदरमाइ नगरपालिकास्थित डकैलाका एक पुरुषको आज बिहान कोरोना संक्रमणकै कारण ज्यान गएको हो । ६१ वर्षका उनमा सुगर तथा प्रेसरलगायतका अन्य दीर्घरोगहरुसमेत रहेको उनको परिवारले जनाएको छ । उनलाई साउनको अन्तिम साता अस्पताल भर्ना गरिएको थियो । उपचारकै क्रममा उनको आज बिहान निधन भएको हो ।

भदौ ४ गते उनमा कोरोना संक्रमण पुष्टि भएको थियो उनको वीरगन्ज हेल्थ केयर कोभिड अस्पतालमा निधन भएको बताइएको छ । यस्तै, सोही अस्पतालमा उपचाररत वीरगञ्जस्थित सुगौली गाँउका एक ५८ वर्षका पुरुषको पनि उपचारको क्रममा गएराति निधन भएको छ । उनमा पनि मृगौलासम्बन्धी समस्या रहेको बताइएको छ । हालसम्म पर्सामा मात्रै कोरोनाका कारण ज्यान गुमाउनेको संख्या ३१ पुगेको छ ।