थप सुन्दर बन्दै पशुपतिनाथ क्षेत्र, छाप्रे टहरा भत्काइने

Best Khabar Team | २०७६ फाल्गुन ७ गते बुधबार

***फाइल तस्वीर पशुपतिनाथ पश्चिमढोका ।***

१९ फेब्रुअरी, २०२०
काठमाडौं । हिन्दुहरुको आरध्यदेव भगवान पशुपतिनाथ क्षेत्र आसपासमा रहेका छाप्रे टहराहरु हटाईने भएको छन् । विश्वभरका हिन्दु धर्मावलम्बीको आस्थाको केन्द्रको रुपमा रहेका पशुपतिनाथको दक्षिण, पूर्व तथा पश्चिम क्षेत्रमा रहेका फूलअक्षता तथा माला एवं अन्य सामग्री बेचविखन गर्ने टहराहरु आगामी शिवरात्रीपछि हटाईने पशुपति क्षेत्र विकास कोषले जानकारी दिएको छ ।

क्षेत्र विकास कोषले तत्कालै यो निर्णय कार्यान्वयन गर्ने तयारी गरेका भएपनि नजिकिँदो शिवरात्री पर्वलाई मध्यनजर गर्दै तत्काल यो निर्णय कार्यान्वयन नहुने भएको छ । शिवरात्रीमा पशुपनिनाथमा लाखौं भक्तजन आउने हुँदा तत्काल टहरा भत्काउँदा भक्तजनको आवगमनमा कठिनाइ हुने भएकाले शिवरात्रीपछि टहरा भत्काइने कोषको भनाई छ ।

यद्यपि कोषले सो क्षेत्रमा टहरा राखेर पसल चलाईरहेका व्यापारीहरुलाई बाँकी रहेको भाडा भुक्तानी गर्न र शिवरात्रीपछि टहरा भत्काईने हुनाले बैकल्पिक व्यवस्था गर्न भनेको छ । यस्ता टहराहरुले पशुपतिनाथ क्षेत्रको सौन्दर्य विगारेको निर्णयसहित तत्काल यो भत्काउन क्षेत्रविकास कोषले तदारुकता देखाएको छ । विक्रम सम्बत् २०६६ मा कोषले तत्कालका लागि अस्थाई टहरा राख्न दिने निर्णय गरेसँगै हाल सो क्षेत्रमा करिब ४ सय टहराहरुमा फूलमाला, पर्यटक तथा भक्तजन केन्द्रीय सामग्री बेचविखन भै रहेको छ ।

क्षेत्र विकास कोषका अनुसार विशेष गरी गोरखनाथ क्षेत्र, मृगस्थली, कैलाश डाँडा तथा बनगणेश पञ्चदेवल बृद्धाआश्रमको छेउमा रहेका कूल करिब २ सय टहराहरु भत्काईने छ । यसअघि सरकारले पशुपनिनाथ क्षेत्रमा रहेका करिब ५ सय बढी पक्की घरहरु भत्काएर त्यहाँका स्थायी बासिन्दालाई अन्यत्र बस्ने व्यवस्था गरेको थियो ।

थप सुन्दर बन्दै पशुपतिनाथ क्षेत्र, छाप्रे टहरा भत्काइने

Comment from facebook