साढे ४ महिनामा क्यानडामा कोरोना संक्रमितको संख्या करिब १ लाख, मृतक ८ हजार नाघे

Best Khabar Team | २०२६ पुष १७ गते बिहिबार

१४ जुन, २०२०
टोरन्टो, क्यानडा । क्यानडामा हालसम्म कोरोना संक्रमितको संख्या १ लाखको नजिक पुगेको छ । यो समाचार तयार पार्दासम्म कोरोनाबाट क्यानडाका विभिन्न भागमा हालसम्म ९८ हजार ६ सय ७ जनामा संक्रमण फैलिएको छ भने कोरोनाबाट ८ हजार १ सय १९ जनाले ज्यान गुमाईसकेका छन् । यस्तै हालसम्म ५९ हजार ७ सय ७७ जना कोरोना संक्रमणबाट निको भएका छन् ।

क्यानडामा पहिलो पटक मार्च ९ मा कोरोनाबाट एक जनाको ज्यान गएको थियो । मार्च ३१ का दिन हालसम्म एकैदिन सबैभन्दा धेरै अर्थात २ सय २२ जनाको ज्यान गएको थियो । गएको जनवरी २५ का दिन चिनको बुहान प्रान्तबाट आएका एकजना पुरुषमा कोरोना देखिएको कोरोना नै क्यानडामा देखिएको पहिलो कोरोना संक्रमण थियो ।

तथ्यांक साभार : **www.worldomitters.com**

कोरोना भाइरसको संक्रमण देखिएपनि तुलनात्मक रुपमा क्यानडाको संक्रमणको दर कम रहेको तथा मृतकको संख्यापनि अमेरिकाको तुलनामा धेरै कम रहेको छ । हाल क्यानडामा जनजीवन सामान्य बन्दै गएको छ भने कतिपय कार्यालयपनि सञ्चालनमा रहेका छन् । पछिल्लो जनगणना अनुसार क्यानडा ३ करोड ७७ लाख २६ हजार २ सय ५१ को हाराहारीमा मानिसहरु रहेका छन् ।