Best Khabar Team | २०२६ पुष १७ गते बिहिबार

---

२५ फेब्रुअरी, २०२०
जुरिच । युरोपेली मुलुक स्वीट्जरल्याण्डमा पहिलोपटक एक व्यक्तिमा कोरोना भाइरसको संक्रमण भेटिएको पुष्टि भएको छ । स्वीट्जरल्याण्डका समाचारमाध्यमका अनुसार इटलीसँग सिमाना जोडिएको स्वीट्जरल्याण्डको दक्षिणी भूभाग ‘कान्तन टिसिनो’ नामक शहरमा एक पुरुष व्यक्तिमा कोरोनाको संक्रमण देखिएको हो ।

केही हप्ता अघि इटालीको मिलानो शहर गएका ती पुरुष व्यक्तिमा कोरोनासँग मिल्दोजुल्दो लक्षण देखिएपछि अस्पतालमा राखेर परिक्षण थालिएको थियो । ल्याव परीक्षणका क्रममा उनमा कोरोना भाईरस लागेको पुष्टि भएको बताइएको छ । यद्यपि ती व्यक्तिको अवस्था सामान्य रहेको स्वीस इन्फो नामक अनलाईनले जनाएको छ ।

स्वीट्जरल्याण्डमा हालसम्म ३०० जनामा कोरोनाको परिक्षण गरिएको भएपनि कसैलाई पनि कोरोना भएको पुष्टि भएको थिएन । तर आज दिउँसो आएको रिपोर्टले ती व्यक्तिमा भने कोरानाको संक्रमण भेटिएपछि उनलाई लुगानो शहरस्थित एक अस्पतालमा आइसोलेसन वार्डमा राखेर उपचार गरिँदैछ । कोरोनाको संक्रमण देखिएलगत्तै यहाँको स्वास्थ्य मन्त्रालय र सुरक्षा अधिकारीहरुले यसलाई थप फैलन नदिन आवश्यक सावधानी अपनाउने जनाएका छन् ।

---

Comment from facebook