Best Khabar Team | २०७७ श्रावण १० गते शनिबार
२५ जुलाई, २०२०
आरुघाट, गोरखा । अविरल वर्षात्का कारण गोर्खामा पहिरोले स्थानीय एक खहरे खोला नै थुनेको छ । गोर्खाको धार्चे गाउँपालिकाको लापुडाँडाको चिंगार डाँडो नै पहिरोले बगाउँदा स्थानीय नौली खोला नै थुनिएको छ । धार्चे गाउँपालिका–७ लापुडाँडामा गएराति माथिबाट पहिरो खसेको हो । ठूलो पहिरो गएपछि निरन्तर रुपमा अहिले पनि साना ठूलो पहिरो झरिरहेका कारण लापुबेसी आसपासका बस्तीहरु जोखिममा परेका छन् ।
खोला थुनिएका कारण नौली खोलाको सो खण्डमा व्यापक मात्रामा पानी जमेको छ । पानीको बहावले पहिरो खोलेको अवस्थामा भने जोखिम निक्कै बढ्ने स्थानीय वासिन्दाले बताएका छन् । स्थानीय वडाले अहिले खोला क्षेत्रका स्थानीय वासिन्दालाई त्यहाँबाट अन्यत्र सारेको छ । पहिरो हटाउन स्थानीय वासिन्दा, सेना र प्रहरीको टोली परिचालन गरिएको भएपनि पहिरो हटाउने काम शुरु हुन सकेको छैन ।
निरन्तर पानी परिरहेका कारण र माथिबाट पहिरो खसिरहेको कारण घटनास्थलमा मानिसहरु पुग्न समेत कठिनाई भै रहेको बताइएको छ ।
२०७७ मंशिर १६ गते मंगलबार
०१ डिसेम्बर, २०२०काठमाडौं । देशभर विगत २४ घण्टायता थप...
२०७७ पुष ७ गते मंगलबार
२२ डिसेम्बर, २०२०काठमाडौं । विगत ७ वर्षदेखि नेपालका विभिन्न...
२०७७ श्रावण १९ गते सोमबार
निलकण्ठ महारुपपृष्ठभूमिनेपालमा संविधानतः मुलुक अहिले धर्म निरपेक्ष राष्ट्र भएको...
२०७९ फाल्गुन १४ गते आइतबार
२६ फेब्रुअरी, २०२३जेनेभा, स्वीट्जरल्याण्ड । परराष्ट्रमन्त्री विमला राई पौडेलको...
Top