अफ्रिकाका ४५ देशमा फैलियो कोरोना संक्रमण : ४ दर्जनको मृत्यु, ४ हजार संक्रमित

Best Khabar Team | २०२६ पुष १७ गते बिहिबार

२८ मार्च, २०२०
कायरो । विश्वव्यापी महामारीको रुपमा फैलिएको कोरोना भाइरसको प्रकोपबाट पछिल्लो पटक अफ्रिकी महादेश पनि अछुतो रहन सकेको छैन । अफ्रिकी महादेशमा रहेका ५४ देशमध्ये यो समाचार तयार पार्दासम्म ४५ वटा देशमा यो रोगको संक्रमण फैलिइसकेको छ भने करिब ४८ जनाले कोरोनाकै कारण ज्यान गुमाईसकेका छन् । विशेषत : उत्तरी अफ्रिकी देशहरुबाट अफ्रिकी महादेशमा कोरोना फैलन शुरु भएको थियो ।

पछिल्ला दिनमहरुमा कोरानाले अफ्रिकी महादेशमा महामारीकै रुप लिन थालेको छ । अफ्रिकी मुलुकमा सबैभन्दा बढी दक्षिण अफ्रिकामा संक्रमितहरु देखिएका छन् । यो समचार तयार पार्दासम्म दक्षिण अफ्रिकामा हालसम्म १ हजार १ सय ७० जना कोरोनाको संक्रमणमा परेका छन् । जसमा एक जनाको ज्यान गै सकेको छ भने ३१ जना स्वास्थ्य लाभ गरी घर फर्केका छन् । कोरोना संक्रमितको संख्या बढ्न थालेपछि दक्षिण अफ्रिकीमा हिजोदेश लकडाउन शुरु भएको छ । दक्षिण अफ्रिकाका अलावा अन्य देशहरुमा पनि कोरोना संक्रमितको संख्या बढ्दन थालेपछि ती देशहरुले पनि सुरक्षा सावधानी अपनाउन थालेका छन् ।

अफ्रिकामा अहिलेसम्म झण्डै ४ हजार जना कोरोना संक्रमति देखिएका छन् भने करिब ४८ जनाको ज्यान गै सकेको छ । कोरोनाका कारण दक्षिण अफ्रिकाका साथै उत्तर अफ्रिकी मुलुकहरु मोरक्को, इजिप्ट अल्जेरिया , ट्युनिसिया रहेका छन् । यस्तै, पश्चिम अफ्रिकी मुलुक, बुर्कानो फासो , नाइजेरिया, सेनेगल र आइभोरी कोस्टमामा पनि संक्रमितको संख्या बढ्दो छ । मध्य तथा पूर्वी अफ्रिकी मुलुकहरु कङ्गो , रुवान्डा , केन्या , युगान्डालगायतमा पनि कोरोनाको संक्रमितको संख्या बढ्न थालेको छ ।

अफ्रिकामा कोरोनाको रोकथाम र उपचार गर्न सक्ने क्षमता तुलानात्मक रुपमा कमजोर रहेको भन्दै विश्व स्वाथ्य संगठनले विशेष सावधानी अपनाउन यसअघि नै आग्रह गरिसकेको छ । अफ्रिकामा कोरोनाको संक्रमण फैलिएमा स्थिति भयावह हुनसक्ने आकलन गरिएको छ । पहिलो दिन दक्षिण अफ्रिकामा गरिएको लकडाउनमा घर बाहिर निस्केकाहरुलाई प्रहरीले बल प्रयोग गरी घर भित्र पठाएको दृश्यहरु टेलिभिजनमा देखिएका छन् । ३० भन्दा बढी अफ्रिकी मुलुकमा हालसम्म सात हजारको संख्यामा नेपाली रहेको नाइजेरियाको लागोसमा बस्ने नेपाली हिक्मत थाले बेस्टखबर डटकमलाई जानकारी दिएका छन् ।

विशेष गरी संख्यात्मक रुपमा युगान्डा , सेसेल्स , नाइजेरिया , दक्षिण अफ्रिका , केन्या , घाना , जाम्बिया , कङ्गो र तान्जानियामा नेपालीहरुको उपस्थिति बढी रहेको भएपनि हालसम्म सबै नेपालीहरु सुरक्षित रहेको थापाले जानकारी दिए ।