सर्वोच्चले भन्यो : विषादी परिक्षण रोक्ने निर्णय तत्काल कार्यान्वयन नगराउनु

Best Khabar Team | २०७६ आश्विन २० गते सोमबार

१० जुलाई, २०१९
काठमाडौं । भारतबाट आयातित तरकारी तथा फलफूलमा विषादी परिक्षणको काम रोक्ने निर्णय तत्काल कार्यान्वयन नगर्न सर्वोच्च अदालतले सरकारको नाममा अन्तरिम आदेश जारी गरेको छ । न्यायाधीश आनन्दमोहन भट्टराईको इजलासले विषादी परीक्षण गर्ने कार्य जारी राख्न आज अन्तरिम आदेश जारी गरेको हो ।

केही महिना यता भारतबाट आयातित तरकारी तथा फलफूलमा मानव स्वास्थ्यलाई नै गम्भीर असर गर्ने केमिकल तथा विषादी प्रयोग भएको पाइएपछि सरकारले तरकारी तथा फलफूल निर्यातमा रोक लगाएको थियो । तर भारतीय दुतावासको पत्रपछि सरकारले केहीदिन अघि विषादी जाँच्ने पर्याप्त उपकरण नभएको बहानामा तत्कालका लागि विषादी परिक्षण कार्य रोक्ने र निर्वाध रुपमा भारतीय तरकारी तथा फलफूललाई नेपाल भित्रन दिने जनाएको थियो ।

सरकारको यो निर्णयको विरोधमा परेको रिटमा सुनुवाई गर्दै सर्वोच्चले यो आदेश दिएको हो । सर्वोच्चको आजको आदेशसँगै अब उप्रान्त भारतलगायत तेश्रो मुलुकबाट आयत हुने तरकारी तथा फलफूको चेकजाँच गर्नेपर्ने हुन्छ । अधिवक्ताहरु कञ्चनकृष्ण न्यौपाने स्वागत नेपाल र उपभोक्ता हित संरक्षण मञ्चले फरक फरक रिट सर्वोच्चमा दायर गरेका थिए । रिटमा सुनुवाई गर्दै सर्वोच्चले असार २ गतेको राजपत्रमा जारी भएको सुचना, त्यसपछि सरकारले गरेको निर्णयलगायतका विषयमा छलफलका लागि भन्दै दुबै पक्षलाई असार ३० गते सोमबार अदालत बोलाइएको छ ।

यस्तै, कुनै परीक्षण गरिएको भए सोसम्बन्धी तथ्यांक एवं फलफूल र तरकारीको नेपालमा आयात गर्नुपूर्व परीक्षण गरिएको भए सो सम्बन्धित तथ्यांक एवं फलफूल र तरकारीको नेपालमा आयात गर्नुपूर्व परीक्षण गरिएको विषय खुल्ने कागजातसमेत अदालतमा झिकाउन सर्वोच्चले आदेश दिएको छ । सरकारी पक्षले भने आफूलाई विषादी परिक्षण रोक्न भारतबाट कुनै दबाब नआएको बताउँदै आएका छन् ।