अमेरिकाको न्यूर्योकमा २ जना नेपालीमा कोरोना संक्रमण, अस्पतालमा उपचार हुँदै

Best Khabar Team | २०२६ पुष १७ गते बिहिबार

२८ मार्च, २०२ न्यूर्योक । अमेरिकाको न्यूर्योकमा रहेका २ जना नेपालीमा कोरोना संक्रमण भएको छ । उनीहरु संक्रमणलगत्तै अस्पतालमा उपचारत छन् । संक्रमित हुनेहरुमा सुदुरपश्चिम समाज अमेरिकाका माहासचिब जीवन जंग बम र चर्चित भिडियोग्राफर शम्भु मोक्तान रहेका छन् । बमको हाल न्यूर्योकको माउन्ट सेन्नेइ अस्पताल, लङआल्यान्डमामा उपचार भै रहेको नेपाली जनसम्पर्क समितिमा सभापति आनन्द विष्टले आफ्नो फेसबुक पेजमा उल्लेख गरेका छन् ।

अस्पतालमा रहेका बमको स्वास्थ्यमा सुधार भै रहेको र उनका परिवारका सबै सदस्य स्वस्थ्य रहेको बताइएको छ । यस्तै अर्का संक्रमित न्यूर्योक क्षेत्रमा लामो समयदेखि भिडियोग्राफी गर्दै आएका भिडियोग्राफर मोक्तानलाई पनि लङआइस्लाण्डमै रहेको जुइस अस्पतालमा राखेर उपचार गरिँदै छ ।

मोक्तानलाई विगत केही समयदेखि घाँटी दुख्ने, ज्वरो र खोकीको लक्षण देखिएको बताइएको छ । उनलाई अहिले अस्पतालको भेन्टिलेटरमा राखेर उपचार गरिँदै छ । उनको अवस्था सामान्य तर स्थिर रहेको बताइएको छ । उनले आफू विरामी भएको भन्दै सञ्जालमा जानकारी र तस्वीर राखेर आफ्नो स्वास्थ्यको लागि कामना गर्न सबैसँग अनुरोध गरेका छन् ।

यो समाचार तयार पार्दासम्म अमेरिकामा कोरोनाका कारण १ हजार ९ सय ४३ जनाको ज्यान गै सकेको छ भने १ लाख १६ हजार ४ सय ४८ जना कोरोनाबाट संक्रमित भएका छन् । अमेरिकामा पछिल्लो २४ घण्टामा २ सय ४७ जनाले कोरोनाकै कारण ज्यान गुमाएका छन् ।

Comment from facebook