hi himalaya nepal

नेपाल प्रहरी, सशस्त्र र राष्ट्रिय अनुसन्धानका गरी ५ जना सुरक्षाकर्मीमा कोरोना संक्रमण, सबैको अवस्था सामान्य

Best Khabar Team | २०७७ बैशाख ३१ गते बुधबार


१३ मे, २०२०
काठमाडौं । देशभर हालसम्म ५ जना सुरक्षाकर्मीमा कोरोना संक्रमण देखिएको पुष्टि भएको छ । कपिलबस्तुमा आज ४ जना र भक्तपुरमा हिजो एकजना गरी कुल पाँचजनामा कोरोना संक्रमण देखिएको हो । सुरक्षा स्रोतले दिएको जानकारी अनुसार हिजो भक्तपुरमा कोरोना संक्रमण पुष्टि भएका २७ वर्षका एक पुरुष सशस्त्र प्रहरीमा कार्यरत प्रहरी जवान रहेका छन् । भक्तपुरको चाँगुनारायण नगरपालिका वडा नम्बर १ दुवाकोट स्थायी घर भै नीलबाराही गणमा कार्यरत ती प्रहरी जवान घरायसी कामका लागि केहीदिन अघि तराईका जिल्लामा गएको र त्यसपछि काठमाडौं फर्केर स्वाब परीक्षणका क्रममा उनमा कोरोना पुष्टि भएको हो ।

उनी पूर्वगृहमन्त्री भीम रावलको घरको सुरक्षामा खटिएका सुरक्षाकर्मी हुन् । यस्तै कपिलबस्तुमा आज ४ जना सुरक्षाकर्मीमा पनि कोरोना संक्रमण पुष्टि भएको छ । जसमध्ये एकजना राष्ट्रिय अनुसन्धान विभागका असई, एकजना सशस्त्र प्रहरी बलका सई र नेपाल प्रहरीका एकजना हवल्दार र एक जना सई गरी कुल ४ जनामा कोरोना संक्रमण देखिएको हो । संक्रमितहरुको अहिले स्थानीय अस्पतालको आइसोलेसनमा राखेर उपचार अघि बढाईएको छ ।

यसअघि कोरोना संक्रमित रहेको गाउँमा पुगेर स्वाब संकलन गर्ने क्रममा उनीहरुमा कोरोना संक्रमण भएको हुनसक्ने अनुमान गरिएको छ । यसअघि नेपालमा पर्साका २ र जनकपुरका एकजना पत्रकारमा कोरोना संक्रमण पुष्टि भएको थियो भने वीरगञ्जकै एकजना नर्समा पनि कोरोना संक्रमण भेटिएको थियो । उनीहरु सबैको अवस्था सामान्य रहेको छ ।

जोखिमपूर्ण क्षेत्रमा सँधै अग्रपंक्तिमा खटिने सुरक्षाकर्मी, पत्रकार, स्वास्थ्यकर्मीलगायतको सुरक्षाका लागि उचित ध्यान नदिने हो भने भोलिका दिनमा यसले थप असर पु-याउने भन्दै सरोकारवालाले सरकारसँग उनीहरुको सुरक्षामा गम्भीर बन्न आग्रह गरेका छन् ।



Comment from facebook



थप खबर पढ्नुहोस्
दुःखेको मन लिएर हरेक दिन काठमाडौंका सडकमा टेम्पो गुडाउने एक युवकको कथा दुःखेको मन लिएर हरेक दिन काठमाडौंका सडकमा टेम्पो गुडाउने एक युवकको कथा

२०७६ पुष ११ गते शुक्रबार

– पि.एल . तरंगपुस महिनाको कठ्यांग्रिने जाडोमा काठमाडौं शहर...

फ्रान्समा कोरोना : बुधबार हाल सम्मकै सबैभन्दा धेरै १४ सय ३८ जनाको ज्यान गयो फ्रान्समा कोरोना : बुधबार हाल सम्मकै सबैभन्दा धेरै १४ सय ३८ जनाको ज्यान गयो

२०७७ बैशाख ३ गते बुधबार

१५ अप्रिल, २०२० पेरिस । युरोपेली मुलुक फ्रान्समा कोरोना...

महालक्ष्मी सुगर मिलद्वारा पुस २५ भित्र किसानका सबै बक्यौता चुक्ता गर्ने प्रतिबद्धता महालक्ष्मी सुगर मिलद्वारा पुस २५ भित्र किसानका सबै बक्यौता चुक्ता गर्ने प्रतिबद्धता

२०७६ पुष १६ गते बुधबार

०१ जनवरी, २०१९कपिलबस्तु। वर्षौदेखि किसानहरुको उखुको मूल्य भुक्तानी नगर्ने...

पर्वतको फलेबास र महाशिलाका ५ जनामा कोरोना पुष्टि पर्वतको फलेबास र महाशिलाका ५ जनामा कोरोना पुष्टि

२०७७ जेठ २० गते मंगलबार

०२ जुन, २०२०कुस्मा । पर्वत जिल्लामा मंगलबार ५ जनामा...

Top